ჩვენ ვხედავთ რაღაც საშინელ სინთეზს კრიმინალური სამყაროს და ხელისუფლების – ამის შესახებ “ევროპული საქართველოს “ქუთაისის ორგანიზაციის წევრმა კოტე რატიანი გადაცემაში “დისკურსი” განაცხადა.
“კრიმინალი ყველა ფორმაციაში იყო. 2012 წლიდან ამ ხელისუფლების მოსვლის დღიდან რა შესთავაზა ხელისუფლებამ განსხვავებული აზრის მქონე ადამიანებთან ურთიერთობაში რა ენა აირჩია, ეს ენა პირდაპირპროფორციულია იმისა, რაც ხდება ახლა – სისასტიკის, დარბევების, ცემა-ტყეპის, რაღაც საშინელებების. შორს რომ არ წავიდეთ, ჩვენს ქალაქში თქვენი კოლეგა ჟურნალისტები სცემეს, ოპოზიციურ პარტიებს შეუვარდნენ, დაარბიეს. აქ ყველაზე მთავარი რა არის, ვინმე დაისაჯა? ეს მოძალადეები საკრებულოს დეპუტატები არიან, სამსახურის უფროსები არიან, პრემიებს იღებენ, არათუ დაისაჯნენ წახალისდნენ, დააწინაურეს. ჩვენ ვხედავთ რაღაც საშინელ სინთეზს კრიმინალური სამყაროს და ხელისუფლების . ჩვენ ვუყურებთ კრიმინალური ავტორიტეტები ხელიხელ გადახვეულები როგორ ქეიფობენ პოლიციის უფროსებთან. ჩვენ ვუყურებთ ქალაქ თბილისის მერი, გენერალური მდივანი, ავტორიტეტებთან მეგობრობით ამაყობს. ჩვენ გვახსოვს სისტემის მიერ თვითმკვლელობამდე მიყვანილი პატარა ბიჭი, რომელმაც დაწერა “ამ ცხოვრების დედაც”, სისტემამ მოკლა ის ბავში და სისტემა კლავს”-განაცხადა კოტე რატიანმა.
https://www.facebook.com/MEGATVgeOfficial/videos/278945720022437/?v=278945720022437
