,,ივანიშვილმა დააბრუნა ქვეყანაში 90-იანი წლების კრიმინალების თარეში. მისი შვილი ბერა მეგობრობს „კანონიერ ქურდთან” და მის შვილთან „კაწროსთან”, რომლებმაც შექმნეს კრიმინალების დაჯგუფება, რომელიც დადის და ხოცავს ახალგაზრდებს.
ივანიშვილის ძმამ და მისმა ბიზნესპარტნიორებმა ასკანელებმა შექმეს ასევე გაკრიმინალებული სპორტსმენების და ბანდიტების დაჯგუფება, რომელიც ატერორებს, ართმევს ბიზნესს, აშინებს პოლიტიკურ ოპონენტებს.
ეს არის „ბესპრედელშიკების” გაბატონება საქართველოში.
ამიტომ მე მინდა ვუთხრა ყველას, როდესაც საუბრობენ, რომ – „ბატონმა პრემიერ-მინისტრმა თქვა”, ვიღაც გახარიამ.. „ბატონმა ბიძინამ თქვა” და ა.შ.
მეგობრებო! ჩვენ არ გვყავს მთავრობა!
მე მიმაჩნია, რომ საქართველოს მთავრობა არის მთლიანად არალეგიტიმური. მე არ ვცნობ არცერთი წამით მის კანონიერებას და არ ვცნობ არცერთი წამით კანონიერებას იმ სიტუაციის, რომელიც არის საქართველოში.
ეს არის უკანონო სიტუაცია.
პირველად დამოუკიდებლობის შემდეგ, ამერიკის კონგრესმა დაგვადო სანქციები ჩვენ, როგორც ქვეყანას. ჩვენ ვიყავით ყოველთვის მთავარი მიმღები მსოფლიოში ამერიკის დახმარების. ჩვენ ვიყავით სანიმუშო და სამაგალითო ქვეყანა.. და ახლა, სამუდამოდ და საქვეყნოდ მოგვჭრა თავი ივანიშვილმა. ყოველ შემთხვევაში მანამ, სანამ თვითონ არის იქ.
ამიტომ, ჩემი ბრძოლა იქნება ძალიან გადამწყვეტი და მოსწონს ეს ვიღაცას თუ არ მოსწონს, უნდა რომ ვიყო წინა ხაზზე თუ არ უნდა, მე ვიქნები წინა ხაზზე და გპირდებით, რომ მე ვიქნები თქვენთან ერთად ხელჩაკიდებული ოქტომბერში, ივანიშვილის დამარცხების ფრონტზე და საქართველოს გადარჩენის ფრონტზე.
ეს უკანონობა, ეს არალეგიტიმურობა უნდა დამთავრდეს!
და ნუ ეპყრობით მათ ისე, თითქოს ისინი ჩვეულებრივები იყვნენ და ჩვეულებრივი მთავრობა იყოს.
ესენი არიან ბანდიტების ხროვა და დაჯგუფება!
ესენი არიან საქართველოს მტრები!
ესენი არიან მოღალატეები!
და ესენი არიან, რა თქმა უნდა, უცხო ძალის მიერ გაკონტროლებულნი, კონკრეტულად – მოსკოვის პირდაპირ დაკვეთას ასრულებენ საქართველოს დასუსტების, განადგურების და საქვეყნო-მსოფლიო იზოლაციის.
და ეს ყველაფერი დასრულდება ძალიან მალე!
ჩვენ ყველგან ვმობილიზირდებით, ძალიან ბევრი ახალგაზრდა იკრიბება, ბიზნესმენი იკრიბება, სხვადასხვა ასაკის ხალხი იკრიბება, ძველი გამოცდილების ადამიანები იკრიბებიან, ძველი მებრძოლები..
ჩვენი გადამწყვეტი ბრძოლა საქართველოსთვის არის ძალიან ახლოს და ამ ბრძოლაში მე ვარ ერთ-ერთი თქვენგანი ჯარისკაცი, მაგრამ ასევე თქვენთან ერთად ვიქნები ერთ-ერთი გამარჯვებული!
მიხეილ სააკაშვილი” -წერს სოციალურ ქსელში საქართველოს მესამე პრეზიდენტი.
