რელიგიის საკითხთა სახელმწიფო სააგენტო მოსახლეობას რელიგიურ დღესასწაულებს ულოცავს.
„საქართველოს მართლმადიდებელი ეკლესია დღეს ერთ-ერთ მთავარ საუფლო დღესასწაულს, ბზობა-ბაიაობას ზეიმობს. ბზობა მაცხოვრის იერუსალიმში დიდებით შესვლას აღნიშნავს და აღდგომის წინა კვირას იდღესასწაულება.
რელიგიის საკითხთა სახელმწიფო სააგენტო ულოცავს საქართველოს სამოციქულო მართლმადიდებელ ეკლესიასა და მრევლს ბზობის დღესასწაულს, სულის სიმშვიდესა და სიხარულს უსურვებს მათ.
საქართველოს მოლოკანთა თემი ბზობას – უფლის იერუსალიმში დიდებით შესვლას, ერთ-ერთ უდიდეს ქრისტიანულ დღესასწაულს ზეიმობს. რელიგიის საკითხთა სახელმწიფო სააგენტო გილოცავთ საუფლო დღესასწაულს და წარმატებებს გისურვებთ.
დღეს ევანგელურ-ბაპტისტური ეკლესია ბზობას დღესასწაულობს. ბზობა ერთ-ერთი მთავარი საუფლო დღესასწაულია და იერუსალიმში უფლის დიდებით შესვლას განასახიერებს. რელიგიის საკითხთა სახელმწიფო სააგენტო ულოცავს ევანგელურ-ბაპტისტურ ეკლესიასა და მის მრევლს ამ დიდ დღესასწაულს, სიხარულსა და მშვიდობას გისურვებთ“, – ნათქვამია სააგენტოს განცხადებაში.
რელიგიის საკითხთა სახელმწიფო სააგენტო აღდგომის დღესასწაულს ულოცავს საქართველოს ევანგელურ-ლუთერულ ეკლესიასა და სომეხთა სამოციქულო ეკლესიის მრევლს.
„აღდგომა ცოდვათა დამარცხების, სულიერი ამაღლების და სიცოცხლის სიკვდილზე გამარჯვების დღესასწაულია. რელიგიის საკითხთა სახელმწიფო სააგენტო საქართველოს ევანგელურ-ლუთერული ეკლესიის მრევლს აღდგომის ბრწყინვალე დღესასწაულს ულოცავს, ბედნიერებასა და კეთილდღეობას უსურვებს მათ.
რელიგიის საკითხთა სახელმწიფო სააგენტო სომეხთა სამოციქულო ეკლესიის საქართველოს ეპარქიას და ჩვენს სომეხ თანამოქალაქეებს აღდგომის ბრწყინვალე დღესასწაულს ულოცავს. აღდგომა ცოდვებზე გამარჯვების, განახლების უდიდესი დღესასწაულია ყველა ქრისტიანისთვის, ვუერთდებით თქვენს სიხარულსა და ბედნიერებას, წინსვლას გისურვებთ ჩვენი ქვეყნის საკეთილდღეოდ.
დღეს უდიდეს ქრისტიანულ დღესასწაულს, იესო ქრისტეს ბრწყინვალე აღდგომას ზეიმობს კათოლიკური ეკლესია. აღდგომა სიცოცხლის, იმედის, ცოდვათა დამარცხებისა და სულიერი ამაღლების დღესასწაულია. რელიგიის საკითხთა სახელმწიფო სააგენტო ქართველ კათოლიკეებს დღესასწაულს ულოცავს, წინსვლას და კეთილდღეობას უსურვებს მათ“, – ნათქვამია ინფორმაციაში.
