ჯანდაცვის მინისტრის ეკატერინე ტიკარაძის ინფორმაციით, საქართველოში კორონავირუსით ინფიცირების 230 დადასტურებული შემთხვევა გამოვლინდა. მისივე განცხადებით, მათ შორის 3 ინფიცირებული პაციენტი სამშობლოში სხვადასხვა ქვეყნიდან დაბრუნდა და მკურნალობას საქართველოში განაგრძობენ. ჯანდაცვის მინისტრის განცხადებით, კოვიდ19-ით ინფიცირებულთა შორის არიან მძიმე და საყურადღებო პაციენტებიც.
„ქვეყანაში ზოგადი მზადყოფნა დამაკმაყოფილებელია. ამ ეტაპისთვის ჩვენ გვყავს 230 კოვიდ19-ით დადასტურებული ინფექცია, საიდანაც 54 არის გამოჯანმრთელებული და 3 გარდაცვლილი. მნიშვნელოვანია, რომ ამ 230 მოქალაქიდან 3 მათგანის გადმოყვანა მოხდა სხვადასხვა ქვეყნიდან და დღესდღეობით საქართველოში მკურნალობას აგრძელებენ. მნიშვნელოვანია აღინიშნოს ის ფაქტი, რომ რა თქმა უნდა, გვყავს საყურადღებო და მძიმე პაციენტები, რომლებსაც ექიმები აქცევენ სათანადო ყურადღებას. ასევე, ძალიან მნიშვნელოვანია, რომ დღეს კიდევ 2 გამოჯანრთელებული დაგვემატა და მათი ჯამი ამ ეტაპისთვის არის 54,“ – განაცხადა ტიკარაძემ.
