ქუთაისში ხვალ თანამედროვე ხელოვნების საერთაშორისო ფესტივალი ქარავან არტ ფორუმი იხსნება
ურბანული პეიზაჟები, 18 – 21 სექტემბერი 2026
საქართველოში ქარავანსარაის (Caravansarai) მხატვრული გაცვლის პროგრამები 2002 წლიდან ხორციელდება და სხვადასხვა ფორმატის სახელოვნებო აქტივობებს მოიცავს. ქარავანსარაის პარტნიორი საქართველოში თბილისში მდებარე „თანამედროვე ხელოვნების განვითარების საერთაშორისო ცენტრია“. ქარავან არტ ფორუმი (Caravan Art Forum) 2016 წელს ქუთაისში დაარსდა და 2022 წლიდან თანამედროვე ხელოვნების ყოველწლიური ფესტივალის სახით ფუნქციონირებს.
ქარავან არტ ფორუმს მხარს უჭერენ ქუთაისის მერია და საქართველოს კულტურის სამინისტრო. ფორუმის ტრადიციული პარტნიორები არიან: MOMus-ის თანამედროვე ხელოვნების მუზეუმი თესალონიკში (საბერძნეთი), „Apollonia — ევროპული ხელოვნების პროგრამები“ სტრასბურგიდან (საფრანგეთი), ასევე სხვადასხვა ეროვნული თუ საერთაშორისო დაწესებულება და სპონსორი.
ქარავან არტ ფორუმი რეგულარულად წარმოადგენს მსოფლიოს სხვადასხვა ქვეყნიდან მოწვეული მხატვრების, ფოტოგრაფების, ხელოვნებათმცოდნეებისა და კურატორების პროექტებს. ყოველწლიურად ფორუმი ყურადღებას ამახვილებს როგორც თანამედროვე ხელოვნების ვიზუალურ წარდგენაზე, ისე მის თეორიულ ასპექტებზე.
ქარავან არტ ფორუმის ფარგლებში დაგეგმილია როგორც დახურულ, ისე ღია სივრცეებში გამართული ღონისძიებები, მათ შორის: გამოფენები დ. კაკაბაძის სახელობის სახვითი ხელოვნების ეროვნულ გალერეაში, ფოტოგამოფენა ბოტანიკურ ბაღში (ღია ცის ქვეშ), კონფერენცია ქუთაისის საერთაშორისო უნივერსიტეტში, ასევე – სახელოვნებო ვორქშოფები, სემინარები და მასტერკლასები.
ქარავან არტ ფორუმის მთავარი კონცეფცია – „ურბანული ლანდშაფტები“ – მისი დაარსების დღიდან უცვლელია.
ქარავან არტ ფორუმი 2026 წლის სახელოვნებო პროგრამა მოიცავს სხვადასხვა ღონისძიებასა და კულტურულ თუ პროფესიულ შეხვედრას, რომლებშიც მონაწილეობას მიიღებენ მსოფლიოს სხვადასხვა ქვეყნიდან მოწვეული ვიზუალური ხელოვანები, ხელოვნებათმცოდნეები და კურატორები. მათ შორისაა: საფრანგეთი, იტალია, თურქეთი, უზბეკეთი და მასპინძელი ქვეყანა – საქართველო.
2026 წლის ქარავან არტ ფორუმის პროგრამა ისეთი მნიშვნელოვანი საკითხის ირგვლივ იქნება ფოკუსირებული, როგორიც ვენეციის 61 საერთაშორისო ბიენალეა.
2026 წელი განსაკუთრებულია, რადგანაც ქართული პავილიონის კურატორებად ვენეციის 61 ბიენალეზე ქარავან არტ პროგრამის კურატორული ტანდემია (ნინო მეტრეველი და შალვა ხახანაშვილი). ქართული პავილიონი და მისი ორგანიზება დიდი პატივია, რომელიც კულტურის სამინისტროს ხელმძღვანელობით ჩატარდა და საერთაშორისო პროექტი « თანამედროვე არგონავტები – საქართველოს გზაჯვარედინი წარედგინა ». ამ სასიამოვნო ფაქტის და მნიშვნელოვანი პროექტის ირგვლივ საკითხებზე სასაუბროთ და ქართული საზოგადოებისათვის მეტი ინფორმაციის მიწოდების და ანალიზისთვის როგორც ქართული პავილიონის კურატორები, ასევე საერთაშორისო ექსპერტები და კოლეგები არიან მოწვეული კონფერენციის ფორმატში, რომლებიც უშუალოდ ვენეციის ბიენალეს მსვლელობის დეტალებს და პერიპეტიებზე, მათს გამოცდილებასა და ქართული პავილიონის მხატვრულ ანალიზს გააკეთებენ.
ქარავან არტ ფორუმი, პროგრამა
მონაწილე ქვეყნები – იტალია, საფრანგეთი, თურქეთი, უზბეკეთი და საქართველო
18 სექტემბერი, პარასკევი
ქუთაისის საერთაშორისო უნივერსიტეტი (KIU)
11:00 – კონფერენცია
მარიამ ბოჭორიშვილი, საქართველო – არქიტექტურის, ურბანული დაგეგმარების და დიზაინის სკოლა – თანამშრომლობის პერსპექტივები
დენისჰან ოზერი, თურქეთი – თურქეთის ხელოვნების საერთაშორისო ასოციაციის (International Association of Art Turkey) პრეზიდენტი იუნესკოს ოფიციალური პარტნიორი და IAAF-ის სტამბოლის ხელოვნებისა და ანტიკვარიატის ბაზრობის (IAAF Istanbul Art & Antiques Fair) სამხატვრო ხელმძღვანელი – მხატვრული საქმიანობის პრეზენტაცია
ლუკა ბერტა, ფრანჩესკა ჯუბილეი, იტალია – ვენეციის არტ ფაქტორი Venice Art Factroy & ვენეციის დიზაინის ბიენალეს Venice Design Biennial ორგანიზატორი და ხელმძღვანელები
– მხატვრული საქმიანობის პრეზენტაცია
ნინო მეტრეველი, საქართველო – თანამედროვე ხელოვნების განვითარების საერთაშორისო ასოციაცია, თბილისი – ხელმძღვანელი
შალვა ხახანაშვილი, საფრანგეთი/საქართველო – ქარავანსარაი მხატვრული პროგრამები, პარიზი – ხელმძღვანელი
– ერთობლივი პრეზენტაცია, საქართველოს ეროვნული პავილიონი 62 ვენეციის ბიენალეზე
19 სექტემბერი, შაბათი
ქუთაისის დ. კაკაბაძის სახელობის სახვითი ხელოვნების გალერეა
ქარავან არტ ფორუმი, «ურბანული პეიზაჟები», საერთაშორისო გამოფენა
17:00 – არტ პერფორმანსი, ელენე მეტრეველი
18:00 – პროგრამის ოფიციალური გახსნა
20 სექტემბერი, კვირა
ქუთაისის ფოტო კინო მატეანეს მუზეუმი
12:00 – მუზეუმის ფოტო არქივების გაცნობა
ქუთაისის ბოტანიკური ბაღი- მედეა
14:00 – ხელოვნების ხეივანი, ფოტო ნამუშევრების პრეზენტაცია ფოტო სტენდებზე, ღია ცის ქვეშ
21 სექტემბერი, ორშაბათი
ქარავან არტ ფორუმის დახურვა
მონაწილეები
იტალია – ლუკა ბერტა, ფრანჩესკა ჯიუბილეი, სილვანო რუბინო, ანგელა გრიგოლატო, ოლმო გ. სტუპპია, მაურო მარჩენარო
თურქეთი – დენიზჰან ოზერი, ბასაკ კანჰერი, მურატ გერმანი, ლევენტ ოგუზი
საფრანგეთი – ჟან დომინიკ ფერუჩი, კარიმ ბორხასი
უზბეკეთი – ბობურ ისმოილოვი
საქართველო – ქეთი ბათიაშვილი, თენგო დალაქიშვილი, მაკა გოცირიძე, ელენე მეტრეველი, გიორგი ცაავა, ვანო ჩაფიძე, მალხაზ ახვლედიანი
სპეციალური სტუმარი – დათო ევგენიძე
ორგანიზაცია
ნინო მეტრეველი – თანამედროვე ხელოვნების განვითარების საერთაშორისო ასოციაცია, თბილისი
შალვა ხახანაშვილი – ქარავანსარაი მხატვრული პროგრამები, პარიზი
📰 გააგრძელე კითხვა...
