ქუთაისის მერია განცხადებას ავრცელებს. როგორც განცხადებაში ვკითხულობთ მწვანეყვავილას ქუჩაზე, “ჭალას” დასახლებაში ჩამოიშალა კლდის ფერდი. გადაიკეტა გზის აღნიშნული მონაკვეთი.
11 თებერვალს, გვიან ღამით, ქუთაისში, მწვანეყვავილას ქუჩაზე, “ჭალას” დასახლებაში , ქვათაცვენის პროცესების განვითარების შედეგად, ჩამოიშალა კლდის ფერდი.საშიშროების დონიდან გამომდინარე , საპატრულო პოლიციის მიერ გადაიკეტა გზის აღნიშნული მონაკვეთი. მოსახლეობას გადაადგილება შეუძლია ალტერნატიული გზებით.გზის ამ მონაკვეთზე, გეოლოგიური დასკვნის მიღების შემდეგ, დაიწყება გაწმენდითი და სარეაბილიტაციო სამუშაოები. მერიის შესაბამის სამსახურს უკვე დაწყებული აქვს სარეაბილიტაციო პროექტზე მუშაობა. – ნათქვამია განცხადებაში.
