“ხშირად რომ ვიღებთ კანონებს უფრო ვშორდებით და ვშორდებით ღმერთს” – ამის შესახებ ბოდბელმა მთავარეპისკოპოსმა, მეუფე იაკობმა ქადაგებისას განაცხადა.
“ზოგი კანონი მართლა საჭიროა, რომ სახელწიფო არ ჩამოიშალოს და ზოგი კიდე ვიღაცეების მონდომებით ხდება და საბოლოო ჯამში გაყოფილი საზოგადოება შეიძლება გავხდეთ. არ შეიძლება ასე. რა გვითხრა ქრისტემ-იყვარებოდეთ ურთიერთარს, როგორც მე შეგიყვარეთო. და ამით ცნონ სხვებმა, რომ ჩემები ხართო. ეს ყველამ უნდა გავითავისოთ. პირველ რიგში ქრისტიანებმა, მერე იმ ხალხმა, ვისაც პასუხისმგებლობა აქვს ქვეყნის მართვაზე და მერე დანარჩენმა საქართველომაც, რომ ერთმანეთს ხელი შევუწყოთ. შეიძლება აზრები განსხვავდებოდეს, ჩვენი აზრები განსხვავდებოდეს, სხვადასხვა რამეები განსხვავსებოდეს, მაგრამ განსხვავებულობა ხომ არ ნიშნავს, რომ დავჭამოთ ერთმანეთი. ვინც უფრო ჭკვიანია, იმას მოეთხოვება ჭკუა და პასუხი და არა იმას, ვინც არასწორად მსჯელობს. ჩვენც ხომ ყოფილა, რომ ხშირად არასწორი გაგვიკეთებია, მაგრამ ბედნიერია ის ადამიანი, ვინც ამას მიხვდება შეინანებს და მერე უბრუნდება ქრისტეს წიაღს. რა ჭირდება ჩვენს ერს? ყველაფერს გვაძლევს უფალი. აბა შევხედოთ, გადარეულია მსოფლიო, ვინც ძლიერია, რასაც უნდა აკეთებს და გააკეთებს კიდევაც, ძალაც აქვს და ყველაფერი აქვს. ჩვენ რა გვინდა , ხო? ჩვენ გვინდა რომ ერთმანეთი გვიყვარდეს, ჩვენი ქვეყანა განვავითაროთ, რა მოხდა, მარტო შვილები და ახლობლები, ვინც სიკეთეს გიკეთებს, ის ხომ არ არის მარტო შენი ახლობელი და მოყვასი. როგორ ვერ გადავლახეთ ის, რომ ერთმანეთს მოვეფეროთ, ერთმანეთს ჩავეხუტოთ, მივუტევოთ, ღმერთი თუ გპატიობს იმდენ რამეს, ბოლო-ბოლო ჩვენ როგორ არ შეგვიძლია, რომ რაღაცა შეიძლება ძალიან მტკივნეული იყოს, საქართველოს სიყვარული ხომ უნდა გვაერთიანებდეს. კარგი, არც ქრისტიანი ხარ და არავინ არა ხარ, საქართველო ხომ ერთი ქვეყანაა. თუ შიგნით ერთმანეთი დავჭამეთ, უცხოეთთან ურთიერთობა თუ არ გქონდა, რას მივაღწევთ, რა გინდა, ამიტომ ყველა უნდა დავფიქრდეთ. ღმერთი გვეხმარება, რომ გარედან თავს ვინმე არ დაგვესხას და შევირგოთ ეს და არც ერთმა არ დავიბრალოთ არც ეკლესიამ, არც მთავრობამ, არც ოპოზიციამ და არც ხალხმა. ღმერთს ვუყვარვართ და ამ მძიმე ჟამს, აბა გადაიხედეთ მსოფლიოში რა არ ხდება, ხო, მოვეფეროთ ერთმანეთს, ვაკეთოთ ის, რომ ერთმანეთისკენ ნაბიჯები გადავდგათ. სიყვარული ყველაფერს დაამარცხებს. კანონები იცით რა არის? ჩვენ გვგონია კანონებით რაღაცაზე უნდა გავიმარჯვოთ და კანონი შემოვიდა რის შემდეგ, როცა ღმერთს დავშორდით, როცა სიყვარული განქარდა ჩვენს შორის. ვიმართებით, რითი-კანონით. არ გიყვარს და მოყვასს არ ხედავ ღვთის ხატად, არ ხედავ ღვთის მსგავსად- არ ხედავ! შენს ქვეყანასაც ისე ვერ ექცევი და კანონი გვიხარია და ხშირად-კანონმორჩილიო. მე იმისკენ კი არ მოგიწოდებთ სამართალი არ გიყვარდეთ ან კანონი არ გიყვარდეთ, მაგრამ ეს ყველაფერი სისულელეა ღვთაებრივ სიყვარულთან შედარებით. კანონები არის იქ, თან ხშირად რომ ვიღებთ, იმას ნიშნავს, რომ ვშორდებით და ვშორდებით ღმერთს. ამაზეც უნდა დავფიქრდეთ.” – მეუფე იაკობი
