ოკუპირებულ აფხაზეთში, სოფელ საბერიოში, ხანძრის შედეგად გარდაცვლილი ხუთი მცირეწლოვანი ბავშვის მშობლები, ქრისტი და ვიტალი ჭოლარიები, დაშორდნენ.
ეს გადაწყვეტილება ქრისტიმ საჯაროდ, სანდრა ზოიძის მიერ გავრცელებული ვიდეომიმართვის მეშვეობით გაახმაურა. ვიდეოში ქრისტი მისი გადაწყვეტილების შესახებ საუბრობს და აღნიშნავს, რომ მისთვის ტრაგედიაზე და მეუღლესთან დაკავშირებულ თემაზე საუბარი ძალიან მძიმეა.
“ანგელოზების მერე პატარა უნდა მყოლოდა”- ტრაგიკულად დაღუპული ბავშვების დედის მიმართვა
გარდაცვლილი ბავშვების მამა, ვიტალი ჭოლარია ამბობს, რომ ქრისტის გადაწყვეტილებით გაოგნებულია. როგორც მან ჩვენთან ინტერვციუში აღნიშნა, რომ ბოლო 27 დღეა, ცოლთან კომუნიკაცია არ ჰქონია.
მან ასევე გაიხსენა, როგორ ებრძოდნენ ტრაგედიას ერთად:
“ჩვენ აფხაზეთში ვიყავით მე, ქრისტინა და დედაჩემი. ნორმალურად ვიყავით. ამ ტრაგედიას ერთად ვიტანდით მე და ჩემი ცოლი. სანდრამ მოგვცა იმის იმედი, რომ შვილი შეგვეძინებოდა… ჩემი ცოლი თურქეთში გავუშვი [ამ იმედით], მაგის მერე, ორი დღე ვსაუბრობდით ერთმანეთში და მერე შეწყდა. რა მოხდა, აზრზე არ ვარ”.
– ვიდეოში ქრისტინე ამბობს, რომ მანამდეც აპირებდა დაშორებას და შვილებთან ერთად მშობლებთან წასვლას.
– არა, არა…
– ვიდრე ქრისტის ვიდეო არ ნახეთ, არ გქონდათ ინფორმაცია, რომ თქვენთან აღარ აპირებდა ცხოვრებას?
– არა, არანაირი. ქრისტი თურქეთში ჩემი ხელით გავაცილე, ჩემი ხელით ჩავსვი ავტობუსში…
ვიტალიმ აღნიშნა, რომ ტრაგედიის შემდეგ ახალ სახლში გადასვლას გეგმავდნენ: “ჩვენ ეგრე მოვილაპარაკეთ, მთავრობამ რომ სახლი შეგვიძინა, თურქეთიდან დაბრუნების შემდეგ იქ ვიცხოვრებდით. ასე ვიყავით შეთანხმებულები მე და ჩემი მეუღლე. შპალერს ვარჩევდით ერთად. ბავშვის ოთახიც შევარჩიეთ. თურქეთიდან დაბრუნებულს ბავშვი რომ ეყოლებოდა…“
ინტერვიუს დასასრულს, ვიტალიმ მეუღლეს მიმართა:
“ახალი ცხოვრებისთვის ვემზადებოდით და ერთად გადავიტანეთ ამხელა ტრაგედია. ერთი წელი არ არის გასული, არ ვიცი, რა ვიფიქრო. მაგისთვის ვიბრძვი და მინდა, ისევ ერთად გავაგრძელოთ ეს ბრძოლა”.
წყარო: ambebi.ge
