“ისევ სევდამ და მწუხარებამ მოიცვა ნამაშევის საჯარო სკოლა… მინდია მასწავლებელი აღარ არის … ამ ამბავმა საშინლად იქუხა… დიდი და პატარა დაადარდიანა.”- ახლობლები და მეგობრების სოფელ ნამაშევის საჯარო სკოლის ყოფილ დირექტორს მინდია გველებიანს ემშვიდობებიან
“მინდია გველებიანი იყო ადამიანი, რომელმაც თავისი ცხოვრება მიუძღვნა განათლების სფეროს და სკოლის განვითარებას. ის არა მხოლოდ დირექტორი, არამედ ნამდვილი მეგობარი და მრჩეველი იყო ყველასთვის. ყოველთვის მზად იყო ყველას დასახმარებლად. ცხოვრების ბოლომდე ერთგულად ემსახურა განათლებას, ბავშვებსა და ნამაშევის სკოლას. მისი ხელმძღვანელობით ჩვენმა სკოლამ არაერთ წარმატებას მიაღწია.
სკოლის კარი, სადაც წლების განმავლობაში ის გვხვდებოდა გულისხმიერებით, დღეს დუმს…
ჩვენ დავკარგეთ ადამიანი, რომელიც არა მხოლოდ დირექტორი, არამედ ამ სკოლის სული და გულიც იყო. მინდია იყო მკაცრი და პრინციპული ხელმძღვანელი, თუმცა ყოველთვის თბილი და გულისხმიერი ბავშვებისა და კოლეგების მიმართ. მისი შრომა, ერთგულება და კეთილი სახელი სამუდამოდ დარჩება ჩვენი სკოლის ისტორიასა და ყველა იმ ადამიანის გულში, ვინც მასთან ერთად მუშაობდა და ვისაც მისი ხელმძღვანელობა ახსოვს.
თითქოსდა დაუჯერებელია ეს ამბავი, ყველას ძალიან გვტკივა… მშვიდად განისვენე მინდია მასწავლებელო.”-წერენ სოციალურ ქსელში
