ქუთაისის საერთაშორისო აეროპორტს ვენეციის მიმართულება ემატება. Wizz Air ახალ მარშრუტზე ფრენებს 2 დეკემბრიდან კვირაში ორი სიხშირით დაიწყებს.
ავიაკომპანიის ინფორმაციით, ფრენები სამშაბათსა და შაბათ დღეს შესრულდება. ამასთანავე, ავიაკომპანიის ფრენებს Airbus A321neo ტიპის თვითმფრინავით განახორციელებს.
რა ღირს ბილეთი ქუთაისიდან ვენეციის მიმართულებით
ნობისთვის, Wizz Air-ი ქუთაისიდან 13 ქვეყნის 24 მიმართულებით ოპერირებს, მათ შორის ცოტა ხნის წინ აღდგენილი მიმართულებებია მადრიდი (ესპანეთი) და ჰამბურგი (გერმანია), ასევე ლიონი. 2012 წლის სექტემბერში საქართველოს ბაზარზე ოპერირების დაწყებიდან დღემდე, ავიაკომპანიამ თითქმის 9 მილიონი მგზავრი გადაიყვანა საქართველოსა და სხვა ქვეყნებს შორის.
მხოლოდ 2025 წლის პირველი შვიდი თვის განმავლობაში, ავიაკომპანიამ ქუთაისიდან და ქუთაისში თითქმის 4 800 რეისი შეასრულა, რაც გასული წლის იგივე პერიოდთან შედარებით თითქმის 9%-ით მეტია, და მიიღო თითქმის 1 მილიონი ბილეთის ჯავშანი (+9,9% წინა წლის იმავე პერიოდთან შედარებით), საშუალო შესრულების მაჩვენებელმა კი 99,7%-ს მიაღწია.
