ქუთაისში პარლამენტის შენობასთან სამოქალაქო მოძრაობა “დატოვე პარლამენტი ქუთაისში” აქციას გამართა. აქციის მონაწილეებმა, ქუთაისში პარლამენტის შენობის გაყიდვასთან დაკავშირებით , მთავრობის გადაწყვეტირება გააპროტესტეს. სამოქალაქო მოძრაობის წევრების აქციას პოლიტიკოსებიც შეუერთდნენ.
აქციის ორგანიზატორებს მიაჩნიათ, რომ ქართული ოცნების ხელისუფლება და პირადად ბიძინა ივანიშვილი მიზანმიმართულად ებრძვიან ქუთაისის განვითარების და ქვეყნის დეკონცეტრაციის პერსპექტივას.
”ჩვენ კატეგორიულად არ ვიზიარებთ და გვაქვს პრეტენზია იმასთან დაკავშირებით რაც გუშინ გაჟღერდა, პარლამენტის შენობის გაყიდვასთან დაკავშირებით. ეს არის დიდი შეცდომა, ხელისუფლებამ ქუთაისი და ქუთაისელები რამდენჯერმე მოატყუა და სწორედ ამიტომ სამოქალაქო აქტივისტები და ის პოლიტიკური პარტიები, რომლებიც თვლიან რომ ქუთაისმა უნდა დაიბრუნოს საპარლამენტო დედაქალაქის სტატუსი გავაგრძელებთ ბრძოლას იმისთვის რომ, ეს სტატუსი ქუთაისს აღუდგესს და ქუთაისმა დაიმკვიდროს თავისი საკადრისი ადგილი ქართულ სივრცეში და სახელმწიფოში. ჩვენ მიგვაჩნია რომ, სწორედ ახლოვდება საპარლამენტო არჩევნები და ეს საარჩევნო კამპანია და შესაბამისად შედეგი უნდა დადოს იმ პოლიტიკურმა პარტიებმა, ქუთაისში მაინც, რომელი პარტიებიც თავიანთ დღის წესრიგში შეიტანენ იმას რომ პარლამენტი აუცილებლად დაბრუნდება ქუთაისში.” – ანაცხადა ხვიჩა ვაშაყმაძემ.
”პრემიერ მინისტრმა თქვა და გააჟღერა რომ პარლამენტის შენობა ქუთაისში უნდა გაიყიდოს. ეს არის კიდევ ერთი დარტყმა ქუთაისისთვის, იმიტომ რომ იმედს იმისა პარლამენტი დაბრუნდეს, კლავს. მე მაინც მჯერა და დარწმუნებული ვარ რომ პარლამენტი აუცილებლად დაბრუნდება ქუთაისში და ის განვითარება რომელზეც ყოველთვის გვქონდა აქცენტი ქუთაისელებს, იმ ადამიანებს ვინც ვფიქრობდით რომ ქუთაისში პარლამენტის ყოფნა არის გადამრჩენი არა მხოლოდ ქუთაისის, არამედ მთელი რეგიონის და საქართველოს განვითარებისა. როგორც მთავრობის სახლი დიდი ხანია დგას გაყიდვაზე და არ გაიყიდა, სწორედ დარწმუნებული ვარ რომ ასეთ ბედს გაიზიარებს პარლამენტი და არ გამოჩნდება მისი მყიდველი და პარლამენტი ისევ დაბრუნდება ქუთაისში” – განაცხადა ქეთი ბერძენიშვილმა.
”ქართული ოცნების უუნარობისა და უპასუხისმგებლობის პიკი არის ქალაქი ქუთაისისადმი მისი დამოკიდებულება, რაც პირველ რიგში გამოიხატება ქუთაისის ერთადერთი სასიცოცხოდ მნიშვნელოვანი ფუნქციის წართმევაში, პარლამენტის დედაქალაქში გადატანას ვგულისხმობ. და ეგრედ წოდებული, ფსევდო დაპირებების გაცემაში, ხან საუნივერსიტეტო ქალაქი, ხან პოლიციური ჰაბი და დაემატა მისი, როგორც მაოხრებელი მკვდრის, მაოხრებელი გზირის ფუნქცია. ქართულ ოცნებას სურს მისი წასვლის შემდეგაც, მოკლას ის შანსი რომ ქუთაისში პარლამენტი დაბრუნდეს. ბუნებრივია ამ შენობის გაყიდვა, რომელიც 360 მილიონი დაჯდა და რომელიც სწორედ სტრატეგიული ობიექტისთვის ყველანაირი გათვლით აშენდა, ნიშნავს იმას რომ ქუთაისისათვის ამ მნიშვნელოვანი ფუნქციის დაბრუნებას შეექმენას ხელოვნური ბარიერი. მე არ მიკვირს რატომ აკეთებს ქართული ოცნება ამას, იმიტომ რომ მისი ყველა საქციელი გაჟღენთილი არის ქვეყნისადმი მტრობით, მაგრამ ერთი კითხვა მაქვს, რატომ არის მის მტერთა განსაკუთრებულ ნუსხაში ქუთაისი” – განაცხადა გია თევდორაძემ.
