ზესტაფონის მუნიციპალიტეტში ქალაქის 14 ქუჩის რეაბილიტაცია მიმდინარეობს. გზის მოწყობის სამუშაოები გრძელდება გალაკტიონ ტაბიძის და მერკვილაძის ქუჩებზე. საგაზო ინფრასტრუქტურის აღსადგენად, მერკვილაძის ქუჩაზე ბეტონის საფარი, ხოლო გალაკტიონ ტაბიძის ქუჩაზე ასფალტის საფარი მოეწყობა. ამის შესახებ „ინტერპრესნიუსს“ ზესტაფონის მუნიციპალიტეტის მერიიდან აცნობეს.
მათივე ინფორმაციით, ქუჩების რეაბილიტრაციის პროცესს ყოველდღიურ რეჟიმში, მერიის ინფრასტრუქტურის სამსახურთან ერთად, ადგილობრივი თვითმმართველობის წარმომადგენლებიც ადევნებენ თავლყურს. მიმდინარე სამუშაოები მუნიციპალიტეტის მერმა, გიორგი გოგლიჩიძემ, მოადგილემ, დავით მაღრაძემ, მაჟორიტარმა დეპუტატმა, შალვა კიკნაველიძემ და საკრებულოს თავმჯდომარემ, ვახტანგ ღამბაშიძემ დაათვალიერეს.
„მერკვილაძის და გალაკტიონ ტაბიძის ქუჩების სარეაბილიტაციო სამუშაოები რეგიონული განვითარების ფონდის ფინანსური მხარდაჭერით ხორციელდება. ქუჩების კეთილმოწყობას, შპს „საპოვნელა +“ ახორციელებს. პროექტის მიხედვით, მერკვილაძის ქუჩის მოსაწყობად 65 502 ლარი, ხოლო გალაკტიონ ტაბიძის ქუჩის რეაბილიტაციაზე 155 320 ლარი დაიხარჯება.“ – ნათქვამია ინფორმაციაში.
