მეცნიერებმა შოკისმომგვრელი აღმოჩენა გააკეთეს, რომელმაც არქეოლოგიურ საზოგადოებაში აჟიოტაჟი გამოიწვია. მკვლევართა ჯგუფმა შესაძლოა დაამტკიცოს ნოეს კიდობნის არსებობა ამის შესახებ The Sun წერს.
არარატის მთის კვლევითი ჯგუფის ექსპერტები ამტკიცებენ, რომ მათ იპოვეს ნამდვილი ნოეს კიდობანი.
გამოცემა იხსენებს, რომ რელიგიური ტექსტის მიხედვით, კიდობანი იყო „სიგრძე სამასი წყრთა, სიგანე ორმოცდაათი წყრთა და სიმაღლე ოცდაათი წყრთა“. მკვლევართა აზრით, ეს ემთხვევა დურუპინარის ფორმირების ზომებს.
ეს ადგილი მდებარეობს არარატის მწვერვალიდან სამხრეთით 30 კილომეტრში, თურქეთისა და ირანის საზღვართან. მეცნიერთა აზრით, სწორედ აქ მდებარეობს ნოეს კიდობანი.
კლდისა და ნიადაგის ნიმუშების შეგროვების და შემდეგ სტამბოლის ტექნიკურ უნივერსიტეტში გაგზავნის შემდეგ აღმოჩნდა, რომ მათში იყო თიხის მსგავსი მასალების, ზღვის ნალექი და ზღვის პროდუქტების ნარჩენები, მათ შორის მოლუსკები. აღმოჩნდა, რომ მასალების ასაკი 3500-დან 5000 წლამდე მერყეობს, რაც ემთხვევა ენეოლითის პერიოდს, რომელიც გრძელდებოდა ჩვენს წელთაღრიცხვამდე 5500-დან 3000 წლამდე. სწორედ ამ პერიოდს უკავშირდება დაბადების წიგნში აღწერილი ბიბლიური წარღვნის ეპოქა.
„მიღებული შედეგები ვარაუდობს, რომ ადამიანის საქმიანობა ამ რეგიონში ენეოლითის პერიოდიდან მიმდინარეობს. სიმპოზიუმის მნიშვნელოვანი შედეგი იყო კუდისა და არარატის დამატებითი კვლევების ჩატარების გადაწყვეტილება, რომელიც ცნობილია როგორც მესოპოტამიის რეგიონი”, – განუცხადა ჟურნალისტებს კვლევის წამყვანმა ავტორმა.
მეცნიერებმა ხაზგასმით აღნიშნეს, რომ ნიმუშებში საზღვაო ნივთიერებებისა და მოლუსკების აღმოჩენა იმაზე მეტყველებს, რომ დურუპინარის ფორმირება ოდესღაც წყალქვეშ იყო. მკვლევრები არ გამორიცხავენ, რომ ეს ყოფილიყო ბიბლიაში აღწერილი კატასტროფული წარღვნა.
გამოცემა დასძენს, რომ მთა არარატი დიდი ხანია ითვლებოდა ადგილად, სადაც ნოეს კიდობანი არსებობდა. ახალმა კვლევამ გააცოცხლა დებატები ამ ადგილის შესახებ, რომელიც პირველად ფერმერმა 1948 წელს აღმოაჩინა.
ბევრი მეცნიერი დარწმუნებული იყო, რომ ეს ამბავი მითი იყო. თუმცა, ახალი კვლევა ადასტურებს, რომ ნოეს კიდობანი შესაძლოა მართლაც არსებობდა.
