სურსათის ეროვნული სააგენტო „ბაკურიანი ციდა“-სთან დაკავშირებით განცხადებას ავრცელებს:
“
სურსათის ეროვნულმა სააგენტომ მიიღო შეტყობინება ბავშვის სავარაუდო წყლით – „ბაკურიანი ციდა“ ინტოქსიკაციის შესახებ.
სურსათის ეროვნულმა სააგენტომ მიიღო შეტყობინება ბავშვის სავარაუდო წყლით – „ბაკურიანი ციდა“ ინტოქსიკაციის შესახებ.
ინფორმაციის მიღებისთანავე სურსათის ეროვნულმა სააგენტომ დაიწყო მოკვლევა. სააგენტოს ინსპექტორები წყლის დამფასოებელ საწარმოში ახორციელებენ არაგეგმურ ინსპექტირებას, რომელიც მოიცავს სრულ ტექნოლოგიურ ციკლს.
ამავდროულად სახელმწიფო კონტროლის ფარგლებში აღებულია წყლის სინჯები, რომლის ლაბორატორიული კვლევის შედეგებიც მყისიერად გასაჯაროვდება.”მანამდესოციალურ ქსელში გავრცელდა ინფორმაცია, რომ “ბაკურიანი ციდას” ბოთლიდან დალეული სითხით მოხდა მცირეწლოვანი ბავშვის ჰოსპიტალიზაცია.
“ამ წამს გახდა ცნობილი, რომ ბაკურიანის წყლით, რომელიც არის საბავშვო “ციდა” , მოიწამლა ერთ-ერთი ბავშვი.ახალგახსნილ წყალში აღმოჩნდა რაღაც გაურკვეველი ნივთიერება , რომელმაც გამოიწვია ქიმიური დამწვრობა ყელის, საყლაპავის და კუჭის, ბავშვი გადაყვანილია კლინიკაში.
“- წერენ სოც. ქსელში
კომპანია IDS ბორჯომი სოციალურ ქსელში გავრცელებულ ინფორმაციებს ეხმაურება და განცხადებას ავრცელებს, რომელსაც უცვლელად გთავაზობთ:
კომპანია IDS ბორჯომი საქართველოს განცხადება
სოციალურ ქსელში გავრცელდა ინფორმაცია, რომ „ბაკურიანი ციდას“ ბოთლიდან დალეული სითხით მოხდა მცირეწლოვანი ბავშვის ჰოსპიტალიზაცია. გაცნობებთ, რომ კომპანიის მხრიდან მყისიერი რეაგირების შედეგად, გადამოწმდა კონკრეტულ მაღაზიაში (სადაც ჩვენს ხელთ არსებული ინფორმაციით მოხდა პროდუქტის შეძენა) ნიმუშები და დარღვევა არ გამოვლენილა.
პარალელურ რეჟიმში, შევამოწმეთ ამჟამად ქსელში არსებული ყველა პარტიის ნიმუში და ვადასტურებთ, რომ აღნიშნულ ნიმუშებში დარღვევა არ დაფიქსირებულა.
ასევე გადამოწმდა საწარმოო პროცესის სრული ტექნოლოგიური ციკლი, რომელიც გამორიცხავს პროდუქტში რაიმე უცხო ნივთიერების მოხვედრას.
