როგორ გამოვიყენოთ ხელმისაწვდომი პროდუქტები კვების მოსაწესრიგებლად და შეშუპების თავიდან ასაცილებლად?
ჩართეთ რაციონში შემდეგი პროდუქტები:
1. წიწიბურა
წიწიბურა მდიდარია კალიუმით და ანტიოქსიდანტებით, ხელს უწყობს წყალი-მარილის ბალანსის დაცვას და ნივთიერებათა ცვლის სწორად მუშაობას, ზედმეტი სითხის მოშორებას, შეშუპების შემცირებას. მასში შემავალი ფლავონოიდები აუმჯობესებს სისხლის მიმოქცევას და ამცირებს ანთებით პროცესებს. მარცვლეულში შემავალი მაგნიუმი ხელს უწყობს კუნთების და სისხლძარღვების მოდუნებას და ამით შეშუპების შემცირებას.
რეკომენდებულია კვირაში 2-3-ჯერ წიწიბურას მიღება. სასურველია, საღამოს ვახშმის დროს, დაძინებამდე რამდენიმე საათით ადრე. მარცვლეული მოხარშეთ მარილის და სანელებლების გარეშე, მცირე მცენარეული ზეთის ან კარაქის დამატებით. სტანდარტული ულუფა ზრდასრულისთვის (ვახშამზე ნაჭამი) არა მხოლოდ აწესრიგებს საჭმლის მონელებას, არამედ თავიდან აგაცილებთ შეშუპებას.
2. ვაშლი
თავისი ბუნებრივი თვისებების წყალობით ვაშლი ხელს უწყობს შეშუპების თავიდან აცილებას. შეიცავს დაახლოებით 85%-ს წყალს, რაც ხელს უწყობს ორგანიზმში წყლის ბალანსის რეგულირებას და შენარჩუნებას. ეს კი ზედმეტი სითხის გამოდევნას ხელს უწყობს. კალიუმით, ანტიოქსიდანტებით და საკვები ბოჭკოებით მდიდარი ვაშლი არა მხოლოდ აწესრიგებს საჭმლის მონელებას, არამედ სითხის შეკავებას ამცირებს.
თუ შეშუპებისკენ მიდრეკილი ხართ, რაციონში ვაშლი ჩართეთ. დღეში ერთი ვაშლი მაინც შეჭამეთ, სასურველია, დღის მეორე ნახევარში ან ძილის წინ. ვაშლი კიბოს უჯრედების გაჩენას ხელს უშლის და გულ-სისხლძარღვთა სისტემაზე სასარგებლო გავლენას ახდენს. წონის შემცირებაში და სისხლში ქოლესტერინის დონის შემცირებაში დაგეხმარებათ.
3. ახალი კენკრა
კვირაში 2-3-ჯერ მხოლოდ 1 მუჭა ახალი კენკრის ჭამა თქვენს ცხოვრებას მნიშვნელოვნად გააუმჯობესებს. პირველ რიგში, ანტიოქსიდანტების (განსაკუთრებით, ლურჯი და შავი კენკრა) შესანიშნავი წყაროა. მეორეც, შეიცავს დიდი რაოდენობით მიკრო და მაკროელემენტებს. მესამეც, ორგანიზმს ენერგიით ავსებს და უკეთ მუშაობაში ეხმარება. მეოთხეც, კენკრა (ჟოლო, მარწყვი, ალუბალი, მოცვი და ა.შ.) გამოდევნის ზედმეტ სითხეს ორგანიზმიდან, მის დაგროვებას ხელს უწყობს. შედეგად, შეშუპება ნაკლებია.
თუ გინდა დილით გაიღვიძოთ ენერგიულად და შეშუპების გარეშე, ნოყიერი ვახშმობის შემდეგ, აუცილებლად მიირთვით 100-150 გრამი ახალი კენკრა ძილის წინ. დილით შედეგი სასიამოვნოდ გაგაოცებთ.
4. ტკბილი ან ბულგარული წიწაკა
ტკბილი ან ბულგარული წიწაკა მდიდარია წყლით, C ვიტამინით, კალიუმით, მაგნიუმით და ანტიოქსიდანტებით, ებრძვის ორგანიზმში მჟავიანობას და ანთებით პროცესებს. ახალი წიწაკის მიღება აუმჯობესებს სისხლის მიმოქცევას და საჭმლის მონელებას, გამოდევნის ზედმეტ სითხეს ორგანიზმიდან, ამცირებს შეშუპების ალბათობას. ყოველდღიურ რაციონში აუცილებლად ჩართეთ რამდენიმე ცალი ტკბილი წიწაკა და თქვენი ორგანიზმი მადლობას გეტყვით.
5. ახალი კიტრი
წვნიანი, ხრაშუნა კიტრი 95% წყლისგან შედგება და შესანიშნავად ინარჩუნებს წყლის ბალანსს, გამოდევნის ზედმეტ სითხეს და ამით ამცირებს ორგანიზმზე, მათ შორის თირკმლებზე დატვირთვას. კიტრი შეიცავს კალიუმს, მაგნიუმს, სილიციუმს და ანტიოქსიდანტებს, რომლებიც ცნობილია სასარგებლო თვისებებით. აი, ნატრიუმის დაბალი შემცველობის გამო სითხეს ორგანიზმში არ აკავებს, როგორც ხშირად ხდება ნატრიუმის მაღალი შემცველობის სხვა პროდუქტების შემთხვევაში. აქედან გამომდინარე, არ არის შეშუპება. კიტრი ორგანიზმის დეტოქსიკაციასაც ხელს უწყობს და დადებითად მოქმედებს ღვიძლსა და თირკმლებზე.
6. ახალი მწვანილი
ახალი მწვანილი ჯანმრთელობის გასაღებია. ის არა მხოლოდ ამდიდრებს კერძის გემოს, არამედ დიდი სარგებელი მოაქვს ორგანიზმისთვის. ვიტამინებით, მიკრო და მაკროელემენტებით მდიდარი მწვანილები, როგორიცაა ქინძი, ოხრახუში, სალათის ფურცლები, კამა, ჯანმრთელობის მდგომარეობას აუმჯობესებს, ანტიოქსიდანტური და ანტიბაქტერიული თვისებები აქვს, საჭმლის მონელებას აუმჯობესებს, დეტოქსიკაციას ხელს უწყობს, ძვლებს აძლიერებს, იმუნურ სისტემას მხარს უჭერს, სტრესის დონეს ამცირებს და ორგანიზმში სითხის შეკავებას აფერხებს. თუ რაციონში ჩართავთ ზემოთ ჩამოთვლილ მწვანილს, შეშუპებას ერთხელ და სამუდამოდ დაივიწყებთ.
7. ბადრიჯანი
ბადრიჯანი უჯრედისით, ანტიოქსიდანტებით, ვიტამინებით და მინერალებით მდიდარი დაბალკალორიული საკვებია. მას ხშირად იყენებენ სხვადასხვა დიეტური კერძის მოსამზადებლად, რადგან შეუძლია ორგანიზმის სრულად დანაყრება ჯანმრთელობისთვის ზიანის მიყენების გარეშე. ბადრიჯანი სასარგებლოა არა მხოლოდ გულისთვის და კანისთვის, არამედ ტვინის ჯანსაღი ფუნქციონირებისთვის. ანთების საწინააღმდეგო და ანტიოქსიდანტური თვისებები აქვს, სისხლში შაქრის დონეს არეგულირებს და ორგანიზმიდან ზედმეტ სითხეს გამოდევნის, შეშუპებას ამცირებს.
გახსოვდეთ, რომ ბადრიჯანი შეიცავს სოლანინს, ტოქსიკურ ნივთიერებას, რომელიც იწვევს კუჭის ტკივილს და სიმძიმეს, ასევე მოწამვლას. უსიამოვნო შედეგების თავიდან ასაცილებლად ბადრიჯანი მარილიან წყალში ჩაყარეთ და თერმულად კარგად დაამუშავეთ.
