ერთობის ჯაჭვი – საქართველოში დღეს, 15:00 საათზე ყველა, ვინც ქვეყნის ევროპული მომავლისთვის იბრძვის ერთობის ჯაჭვში ჩაებმება.
აქციის მონაწილეების მთავარი მოთხოვნები კვლავ უცვლელია – უკანონოდ დაკავებული დემონსტრანტების გათავისუფლება და ხელახალი არჩევნების დანიშვნა.
ცოცხალი ჯაჭვი ქუთაისში 15:00 საათზე შეიკვრება.
“28 ნოემბრის შემდეგ ქართულმა საზოგადოებამ ნათლად აჩვენა, რომ მას აქვს ძალა და რომ ის ერთიანია და მრავალფეროვანი.
ახლა მნიშვნელოვანია, პროტესტმა გამოიჩინოს ნებისყოფა და სიმტკიცე.
28 დეკემბერს, 15:00 საათზე, პროტესტის დაწყებიდან ერთი თვის თავზე, მოქალაქეები ჩვენს ქალაქსა და რეგიონში გავაკეთებთ “ერთობის ჯაჭვს საქართველოსთვის”.
ვაპროტესტებთ არალეგიტიმური პრეზიდენტის ინაუგურაციას და მოვითხოვთ ყველა დაკავებულის გათავლისუფლებას და ხელახალ საპარლამენტო არჩევნებს – ეს არის პოლიტიკური კრიზისიდან გამოსვლის ერთადერთი გზა.
დეტალური ინფორმაცია:
28 დეკემბერს, 15:00 საათზე საქართველოს სხვადასხვა ქალაქისა თუ დასახლებული პუნქტის ცენტრალურ მოედნებსა და ხიდებზე საქართველოს მოქალაქეები ერთსაათიანი საპროტესტო ჯაჭვის გასაკეთებლად გამოვალთ.
ქუთაისის ჯაჭვი გაკეთდება შემდეგ ხიდებზე:
– თეთრი ხიდი
– რუსთაველის ხიდი
– რუსთაველის ხიდი
შეკრების დრო და ადგილი: რუსთაველისა და წითელ ხიდებთან არსებული საზოგადოებრივი ტრანსპორტის გაჩერება, 14:30-დან” – ნათქვამია გავრცელებულ ინფორმაციაში.
პროევროპულ აქციებზე, რომელიც 28 ნოემბრის შემდეგ ყოველდღიურად იმართება ქვეყნის დიდ ქალაქებში, ხუთასამდე ადამიანი დააკავეს, 300-ზე მეტს კი სასტიკად სცემეს.
