დაპირისპირება იყო მარნეულის 74-ე უბანზე. არსებული ინფორმაციით, უბნიდან ცდილობდნენ, გაეძევებინათ დამკვირვებელი, რომელიც დარღვევებზე მიუთითებდა, მოგვიანებით შენობაში შევიდნენ უცნობი პირები და ფიზიკური დაპირისპირება დაიწყო.
„მთავარ არხთან“ აქტივისტი კახა კვეკვესკირი ჰყვება, რომ საარჩევნო უბანზე სიტუაციის გასარკვევად მივიდნენ, რა დროსაც გარკვეული ადამიანების ჯგუფი შევიდა შენობაში, დაიწყეს შეურაცხყოფა და ფიზიკური დაპირისპირება.
დამკვირვებელი, რომლის გაძევებასაც ცდილობდნენ, „მთავართან“ ჰყვება:
დამკვირვებლის თქმით, მან შენიშვნა მისცა კომისიის წევრებს მაგიდების განლაგებასა და მარკირების დარღვევებზე, რის შემდეგაც დაჯგუფებამ ოთახის დატოვება მოსთხოვა. მისი თქმით, დაჯგუფების წევრები ამომრჩევლის გადაწყვეტილებას კაბინებთანაც აკონტროლებდნენ.
ნაცემია ერთიანობა ნაციონალური მოძრაობის მარნეულის ორგანიზაციის თავმჯდომარე აზად ქერიმოვი.
“აქ საშინელება ხდება, მოვედით, არასამთავრობო ორგანიზაციის წარმომადგენელს აგდებდნენ უბნიდან, მოვედით გასაკონტროლებლად ამ სიტუაციის და უცებ რაღაც ბანდიტური ჯგუფი შემოვიდა საარჩევნო უბანზე და დაგვიწყეს რტყმევა, განურჩევლად, გინება და ჩვენი პარტიის თავმჯდომარე არის სასტიკად ნაცემი. სასწრაფოს ველოდებით ჯერ არ მოსულა, პოლიციას ველოდებით პოლიცია არ არის. ბანდაა შეკრებილი აქ და გვემუქრებიან მოკვლით,” – ამბობს ენმ-ის წარმომადგენელი კახა კვეკვესკირი.
წყარო: მთავარი არხი
