ქუთაისის მერია ქალების ავტობუსის მძღოლებად მომზადების მოკლევადიან უფასო კურსს აცხადებს. ინფორმაციას ქუთაისის მუნიციპალიტეტის მერია თავად ავრცელებს.
“კურსი განკუთვნილია ქუთაისის მუნიციპალიტეტში მცხოვრები ქალებისთვის, რომლებსაც სურვილი აქვთ დაეუფლონ ავტობუსის მძღოლის პროფესიას.
კურსი სრულად ფარავს მომზადების, გამოცდაზე გასვლის, მართვის მოწმობის და ტრანსპორტირების ხარჯებს.
კურსის წარმატებით დასრულების შემდეგ, მონაწილეებს შეეძლებათ „D“ კატეგორიის მართვის უფლების მისაღებ გამოცდაზე გასვლა და სურვილის შემთხვევაში, ავტობუსის მძღოლად დასაქმება კერძო და საჯარო სატრანსპორტო კომპანიებში.
კურსი დაიწყება 2024 წლის 10 ივნისს და დასრულდება 28 ივნისს. რეგისტრაცია შეუძლიათ ქუთაისის მუნიციპალიტეტში მცხოვრებ:
• 24+ წლის ქალებს;
• რომელთაც გააჩნიათ „B“ კატეგორიის მართვის მოწმობა;
• აქვთ მსუბუქი ავტომობილის მართვის მინიმუმ 1 წლის გამოცდილება.
მონაწილეობისთვის, 7 ივნისამდე გაიარეთ რეგისტრაცია და წარადგინეთ პირადობის და „B“ კატეგორიის მართვის მოწმობის ასლები:• ონლაინ სარეგისტრაციო ფორმით: https://form.jotform.com/241192566859368
• ელ-ფოსტით: Qalebiskursi@gmail.com.
• ქუთაისის მუნიციპალურ სამსახურში საბუთების წარდგენით.
შერჩეული კანდიდატები გაივლიან გასაუბრებას და ავტომობილის მართვის უნარების შემოწმებას.
არ გამოტოვოთ ეს შესაძლებლობა! გადადგით ნაბიჯი პოზიტიური ცვლილებებისთვის! მეტი ქალი სატრანსპორტო სექტორში!
ქალების ავტობუსის მძღოლებად მომზადების კურსი ხორციელდება „საქართველოს ურბანული ტრანსპორტის გაუმჯობესების გენდერული საკონსულტაციო მომსახურების პროგრამის“ ფარგლებში, EY საქართველოს დახმარებითა და ევროპის რეკონსტრუქციისა და განვითარების ბანკის (EBRD) ფინანსური მხარდაჭერით.” – ნათქვამია ქუთაისის მუნიციპალიტეტის მიერ გავრცელებულ ინფორმაციაში.
