გზების დეპარტამენტი, მიმდინარე წელს, გზების რეაბილიტაცია/მშენებლობას ჯამში 25 ლოკაციაზე გეგმავს. ამის შესახებ ინფორმაცია „ბიზნესპრესნიუსს“ რეგიონალური განვითარებისა და ინფრასტრუქტურის სამინისტროდან მიაწოდეს.
დოკუმენტის თანახმად, ყველაზე ძვირად ღირებული მცხეთა-სტეფანწმინდა-ლარსის საავტომობილო გზის მშენებლობაა, რომელიც ჯამში – 245,886 მლნ ლარი ჯდება.
რაც შეეხება დასრულების თარიღს, ინდივიდუალურად, სამუშაოების სპეციფიკიდან გამომდინარე, 2024 წლიდან 2026 წლამდეა გაწერილი.
ყველაზე ძვირად ღირებული გზების ჩამონათვალშია იმერეთში ბაღდათი-კურორტი საირმის დამაკავშირებელი და ჭიათურა-პერევის დამაკავშირებელი გზები.
უფრო კონკრეტულად, „ბიზნესპრესნიუსი“ აქვეყნებს იმ ყველაზე ძვირად ღირებული გზების მონაკვეთების შესახებ ინფორმაციას, რომლის რეაბილიტაცია/ მშენებლობაც წელს იგეგმება:
- საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის სტეფანწმინდა – გველეთის საავტომობილო გზის (კმ 0+440 კმ 4+490 მონაკვეთის) მშენებლობა – 245,886 მლნ ლარი
- შიდასახელმწიფოებრივი მნიშვნელობის (შ-7) ზუგდიდიდ-ჯვარი-მესტია-ლასდილის საავტომობილო გზის (კმ141-კმ154 მონაკვეთის) სარეაბილიტაციო სამუშაოები -27,053 მლნ ლარი
- შიდასახელმწიფოებრივი მნიშვნელობის (შ-14) ქუთაისი (საღორია) – ბაღდათი – აბასთუმანი -ბენარას საავტომობილო გზის (კმ32+000-კმ47+800 მონაკვეთის) სარეაბილიტაციო სამუშაოები – 25,134 მლნ ლარი (ბაღდათი-კურორტი საირმის დამაკავშირებელი გზა)
- ფშაველი – აბანო – ომალოს საავტომობილო გზაზე არსებული საგზაო მოძრაობის პირობების გაუმჯობესების მიზნით ჩასატარებელი სამუშაოების ლოტი II (კმ21.5-კმ25.5 მონაკვეთი) -16,352 მლნ ლარი
- რუსთავი-გარდაბანი-ვახტანგისის (აზერბაიჯანის რესპუბლიკის საზღვარი), გზის (კმ 11-კ19 მონაკვეთის) სარეაბილიტაციო სამუშაოები – 12,959 მლნ ლარი
- შიდასახელმწიფოებრივი მნიშვნელობის, ჩალაუბანი-სიღნაღი-ანაგას საავტომობილო გზის (კმ5-კმ15 მონაკვეთის) სარეაბილიტაციო სამუშაოები – 12,772 მლნ ლარი
- ადგილობრივი მნიშვნელობის მარნეული-ლომთაგორა-ალგეთის საავტომობილო გზის რეაბილიტაცია – 12,655 მლნ ლარი
- რუსთავი-გარდაბანი-ვახტანგისის (აზერბაიჯანის რესპუბლიკის საზღვარი) გზის (კმ0-კ10 მონაკვეთის) სარეაბილიტაციო სამუშაოები – 12,000 მლნ ლარი
- ჭიათურა-პერევისა-სვერი-თვალუეთი-გეზრულის საავტომობილო გზის (კმ22-კმ32 მონაკვეთის) რეაბილიტაცია – 11,982 მლნ ლარი
- ფშაველი-აბანო-ომალოს საავტომობილო გზაზე არსებული საგზაო მოძრაობის პირობების გაუმჯობესების მიზნით ჩასატარებელი სამუშაოების ლოტი III (კმ25.5-კმ35.9) – 11,394 მლნ ლარი
