მიჩიგანის შტატის ქალაქ ჯექსონში მცხოვრებმა ცოლ-ქმარმა ქორწინებაში 70 წელი გაატარა და 20 წუთის სხვაობით ერთ ჰოსპისში გარდაიცვალა. ამის შესახებ Sun-ი წერს.
ლეს და ფრედ ოსტინებმა ერთმანეთი სკოლაში სწავლისას გაიცნეს. მათ პირველი პაემანი გამოსაშვებ ზეიმზე ჰქონდათ, 1949 წლის ნოემბერში კი დაქორწინდნენ.
ლესი აშშ-ის სამხედრო-საზღვაო ძალებში მსახურობდა, შემდეგ კი მუშაობა მიჩიგანის პოლიციაში გააგრძელა, რაც შეეხება ფრედს, ის მრავალი წლის განმავლობაში კომპანია Brail Dry Cleaning-ის მენეჯერად მუშაობდა.
მიმდინარე წლის ნოემბერში წყვილმა ქორწინების 70 წლის იუბილე აღნიშნა.
