ქუთაისის მერიამ მოიძიოს თანხები ბიუჯეტიდან, რომ ბავშვებმა მიიღონ კვებითი პროგრამა – ამის შესახებ ერთიანი ნაციონალური მოძრაობის ქუთაისის ორგანიზაციის თავმჯდომარემ ხათუნა არველაძემ ბრიფინგზე განაცხადა.
როგორც მან აღნიშნა ქალაქის მერს, იოსებ ხახალეიშვილს საპილოტე პროგრამის შექმნის მოთხოვნით 15 ნოემბერს მიმართა, რათა თანხები მოეძიებინათ პირველკლასელთა კვებისთვის. თუმცა მან მალევე, 21 ნოემბერს მოკლე პასუხი მიიღო, რომლითაც განათლების სამინისტროსთან გადაამისამართეს.
როგორც ნაციონალური მოძრაობის ქუთაისის ორგანიზაციის თავმჯდომარე ხათუნა არველაძე ამბობს ქუთაისში 2 350-მდე პირველკლასელია, სასწავლო დღე 161, დღეში ერთი ბავშვისთვის კი
4 ლარიანი დაფინანსება საპილოტე პროგრამის ფარგელბში საკმარისი იქნებოდა. წელიწადში ეს თანხა მილიონ 500 13 ლარს შეადგენს. თუმცა როგორც ხათუნა არველაძე აცხადებს ქალაქის მერიმა პროექტის განხორციელებაზე ბავშვებს უარი უთხრა.
ცნობისთვის, პირველკლასელთა კვების პროგრამა წალენჯიხის მერიას აქვს შემუშავებული, სწორედ ამ პროგრამის საფუძველზე მოითხოვა ხათუნა არველაძემ ქუთასის სკოლის მოსწავლეებსაც ესარგებლათ მსგავსი ბენეფიტებით.
პროგრამის ფარგლებში თიბისი ბანკმა სპეციალურად შექმნა მოსწავლეების კვების ბარათები, საიდანაც მოსწავლეებს მხოლოდ საკვების შეძენის შესაძლებლობა აქვთ, მათ ანგარიშზე კვების თანხა, 4 ლარი ყოველდღიურად ირიცხება, ნაშთის დარჩენის შემთხვევაში მშობელს საშუალება აქვს თანხა თვის ბოლოს ბანკის ფილიალიდან გაიტანონ.
ცნობისთვის, საქსტატის მონაცემებით სკოლაში ბავშვების 35% არასდროს იკვებება, 65% კი ნაწილობრივ შიმშილს განიცდის.
