რეზოლუციას, რომელსაც ქართული მხარე, სამწუხაროდ ქართველებს რომ წარმოადგენდნენ, აწერს ხელს,
იქ წერია, რომ 8 აგვისტოს გადმოკვეთა რუსულმა რეგულარულმა ჯარებმა საზღვარი – რუსეთის ხელისუფლებამ თავისი ჯარისკაცებისთვის უკეთესად იმოქმედა, ვიდრე საქართველოს მაშინდელმა ხელისუფლებამ ქართველი ჯარისკაცებისთვის,- ამის შესახებ ფრაქცია „ქართული ოცნების“ აღმასრულებელმა მდივანმა, მამუკა მდინარაძემ, 2008 წლის რუსეთ-საქართველოს ომთან დაკავშირებით განაცხადა.
მისი თქმით, მაშინდელმა ხელისუფლებამ ქართველი და რუსი ჯარისკაცები ომის დანაშაულში თანაბრად დაადანაშაულა.
„საიდან მოვიდა თარიღი 7 აგვისტო? რეზოლუციას, რომელსაც, ქართული მხარე, სამწუხაროდ ქართველებს რომ წარმოადგენდნენ, აწერს ხელს, იქ წერია, რომ 8 აგვისტოს გადმოკვეთა რუსულმა რეგულარულმა ჯარებმა საზღვარი. სააკაშვილის ბრძანებულებაში წერია, პარლამენტის გადაწყვეტილებაში წერია, რომ 8 აგვისტოს შემოიჭრნენ ჯარები. ორი ოფიციალური დოკუმენტი არსებობს, მოწმეებით რა ვიმსჯელოთ? მოღალატეებმა, ხელი მოაწერეს და მხარი დაუჭირეს რეზოლუციას, სადაც წერია, რომ 7 აგვისტოს ქართული მხარის მიერ ცხინვალის გაუფრთხილებლად დაბომბვით, ესკალაცია ახალ სრულმასშტაბიან საომარი მოქმედებების ფაზაზე გადავიდა, ეს უღიარეს რუსეთს და იმავე რეზოლუციის მე-11 პუნქტში „უღიარეს“ [რუსეთს], რომ შესაძლოა ქართველ სამხედროებს ომის დანაშაული ჩაედინათ. ამ პუნქტში, ასევე რუსეთის ომის დანაშაულზეც იყო საუბარი. ოკუპანტები უფრო კარგები აღმოჩნდნენ საკუთარი ქვეყნისთვის, ვიდრე სააკაშვილი საქართველოსთვის. მე-11 პუნქტში ქართველი და რუსი ჯარისკაცები თანაბრად იყო დადანაშაულებული, რაც დიდი პარადოქსი იყო და ეს დავა ჩვენ მოვიგეთ, ქართველ ჯარისკაცებს ვერავინ ვერ დააბრალა ომის დანაშაული, ოკუპანტებს კი დააბრალეს. რუსეთის ხელისუფლებამ თავისი ჯარისკაცებისთვის უკეთესად იმოქმედა, ვიდრე საქართველოს მაშინდელმა ხელისუფლებამ ქართველი ჯარისკაცებისთვის. რუსეთმაც კი არ დაუშვა საკუთარი ჯარისკაცის დადანაშაულება და მიხეილ სააკაშვილმა და „ნაცმოძრაობამ“ ხელი მოაწერეს საკუთარი ჯარისკაცების ომის დანაშაულის დადანაშაულებას.
1-ელი აგვისტოდან მიდიოდა სროლები, მათ შორის ქართველ ჯარისკაცებს და პოლიციელებს ესროდნენ, მათ შორის, იმ ტერიტორიებზე, სადაც იდენტიფიცირებას არ ახდენდნენ ჩვენი პოლიტიკური ხელმძღვანელები და რეჟიმის წარმომადგენლები ვინ აკეთებდა ამას და თვითონ ეძახდნენ ამას დაპირისპირებას, ეს პარადოქსი იყო. ქართველი პოლიციელების სისხლი დაიღვარა 5-სა და 6-ს აგვისტოს. 7 აგვისტოს ღამით, ვიდრე 12 საათი დადგებოდა, მაშინდელი ტელევიზიებით მთელ მსოფლიოს აჩვენეს კადრები, რომლის მიხედვითაც საქართველოს ცხინვალის ტერიტორიას ბომბავდა.
ეს იყო ღალატი, პოლიტიკოსები ბოლო რამდენიმე წელია “აპრავებენ” ამას 7 აგვისტოს თარიღის შემოტანით. მაგრამ ამის საშუალება ოკუპანტებს მისცეს მაშინდელმა რეჟიმის წარმომადგენლებმა. სიბინძურეა ქართველი ჯარისკაცისთვის რამის დაბრალება, რომელიც გააკეთეს.
სხვებისგან განსხვავებით არ გავრბოდი, კონკრეტულ რაღაცებში ვიყავი ჩართული, ჩემი ქვეყნის სასარგებლოდ. 7 აგვისტოს ომში არ ვიყავი ჩართული, ცოტა მერე ვიყავი ჩართული და ჩემს საქმეს ვაკეთებდი, რაც შეიძლებოდა ერთ რიგით მოქალაქეს შეესრულებინა. 7 აგვისტოს სახლში ვიყავი, მერე აღარ“,- განაცხადა მამუკა მდინარაძემ.
