ქუთაისის სპორტის სასახლეში საქართველოს დამსახურებული მწვრთნელების ზურაბ დოხტურაშვილის და ზაურ შეყრილაძის ხსოვნისადმი მიძღვნილი მე-13 საერთაშორისო ტურნირი თავისუფალ ჭიდაობაში იმართება.
მასში საქართველოს ქალაქებისა და რაიონების წარმომადგენლებთან ერთად სომხეთის ორი გუნდი იღებს მონაწილეობას. ტურნირი ორ ასაკობრივ კატეგორიაში – 2007-2008 და 2009-2010 წლებში დაბადებულთა შორის ტარდება. ღონისძიება ორი დღის განმავლობაში გაგრძელდება.
შეჯიბრს ქუთაისის ვიცე მერი დავით ერემეიშვილი ქუთაისის ა(ა)იპ სპორტულ დაწესებულებათა გაერთიანების ხელმძღვანელი კობა ფხაკაძე,საქართველოს ჭიდაობის ფედერაციის პრეზიდენტი გეგა გეგეშიძე, საქართველოს ნაკრების მთავარი მწვრთნელი გიორგი იანტბელიძე, ასაკობრივი ნაკრების მწვრთნელები და ფედერაციის წარმომადგენლები ესწრებოდნენ.
ღონისძიება ქუთაისის მერიის დაფინანსებით იმართება.
