ბაღდათის მუნიციპალიტეტის სოფელ შუბანში ხალხი მშვიდად ცხოვრობდა, ვიდრე ქობულეთის კლასტერიდან ახალგაზრდა, ქუთაისელი მამაკაცი სოფელში ჩავიდოდა.
მამაკაცი ოჯახთან ერთად ქობულეთში ცხოვრობდა და თვითიზოლაციის ნაცვლად, ქუთაისში მამისეულ სახლში დაბრუნდა. მშობლებთან და ძმის ოჯახთან ერთად ქუთაისში ერთი დღე დაჰყო და შემდეგ ბაღდათის სოფელ შუბანში წავიდა.
სოფელში მას კომუნიკაცია ბიძაშვილებთან და ადგილობრი მოსახლეობასთან ჰონდა.
დაავადებათა კონტროლისა და საზოგადოებრივი ჯანდაცვის ეროვნული ცენტრის იმერეთის სამმართველოს უფროსის გოჩა გიორგიძის თქმით, ამ კონკრეტული შემთხვევის გამო ორი პირი კარანტინში , ხოლო 18 თვითიზოლაციაშია.
,,წყარო ცნობილია და ინფიცირებლ პირთა შეხებაში მყოფი ყველა კონტაქტი გამოვლენილია სულ 18 ადამიანი იმყოფება იზოლაციაში და ორი კარანტიონშია გადაყვანილი“ – განაცხადა გოჩა გიორგიძემ “მეგა ტვ”-თან საუბრისას.
სოფელ შუბანში 50-მდე ოჯახი ცხოვრობს, საყოფაცხოვრებო და პირველადი მოხმარების ნივთების შესაძენად ისინი მუნიციპალიტეტის ცენტრში დადიან. ახლა სიფრთხილით აკვირდებიან მოვლენებს და ამბობენ , რომ არსებული რეკომენდაციების შეუსრულებლობამ მათი მყუდროება დაარღვია.
