“100 ლარზე ნაკლებ ხელფასს საქართველოში 23 000 ადამიანი იღებს. 200 ლარზე ნაკლებ ხელფასს იღებს 70 000 ადამიანი, და 300 ლაკლებს 114 000 ადამიანი, ხოლო 320 ლარზე ნაკლებს იღებს 130 000-მდე ადამიანი” – ამის შესახებ ტელეკომპანია “მეგა ტვ”-ს საქართველოს პროფესიული კავშირების ხელმძღვანელის მოადგილემ თამაზ დოლაბერიძემ განუცხადა.
მანვე ორგანიზაციის საკანონმდე ინიციატივის მნიშვნელობაზე გაამახვილა ყურადღება და ისაუბრა თუ რატომ უნდა იყოს ქვეყანაში მინიმალური ხელფასი 320 ლარი და რას შეცვლის ეს მოსახლეობისთვის:
“ჩვენი საკანონმდებლო ინიციატივა ითვალისწინებს მინიმალურ ხელფასად დაწესდე 320 ლარი. იმიტომ რომ ჩვენ სამუშაო ადგილებზე დასაქმებულები გვყავს ადამიანები, რომლებსაც ხელფასი ოჯახის საარსებო მინუმუმზე დაბალი აქვთ, ანუ გვყავს დასაქმებულები, რომლების სიღარიბის ზღვარზე ცხოვრობენ, რაც არ შეესაბამება არანაირ სტანდარტს და ლოგიკას. არ შეიძლება ადამიანი მუშაობდე და თან ღარიბდებოდე, თან ბანკის ვალებს თუ დავუმატებთ ამას, ვითარება მძიმდება.
მინიმალური ხელფასის დაწესება ეყრდნობა სახელმწიფო სოლიდარობისა და თანასწორობის პრინციპს და საქართველს კონსტუტიციის პრეამბულა გვეუბნება რომ, საქართვრელო არის სოციალური სახელმწიფო. შესაბამისად პასუხისმგებლობა სოციალური სახელმწიფოს მშენებლობის პროცესში, სახელმწიფოსთან ერთად ბიზნესმაც უნდა გაითავისოს.” – აცხადებს თამაზ დოლაბერიძე.
როგორც მან “მეგა ტვ”-თან საუბრისას აღნიშნა მინიმალური ხელფასის დაწესება არ იწვევს აპოკალიპტურ საბიუჯეტო ზრდას:
“ჯამში საბიუჯეტო რისკი მინიმალური ხელფასის დაწესების არის მხოლოდ 7 მილიონი ლარი.
ასეთი დაბალი ხელფასი აქვთ როგორც ცენტრალური, მუნიცაპლური ასევე ავტონმიური რესპუბლიკის საჯარო სამსახურებში. 320 ლარის დაწესება, ეყრდონა პროფკავშირების მიერ ჩატარებულ კვლევებს. ეს არის საქართველოში ოფიციალურად დაწესებული საშუალო ხელფასის, 1 368 ლარის 30%, ეს არის ევროპული პრაქტიკა.
სფეროების მთელი ჩამონათვალი გვაქვს, სადაც 300-400 ლარზე მეტი არ არის ხელფასი. სტატისტიკის დეპარტამენტი მედიანური პრინციპით არ ითვლის ხელფასებს და ერთად არის შეჯამებული ტოპ-მენეჯმენტის და ყველაზე დაბალი შემოსავლის ადამიანის ხელფასები.
ევრპული სტანდარტი საქართველოს აკისრებს ვალდებულებას საშუალო ხელფასის დათვლა მოახერხოს მედიანური პრინციპით და გამიჯდონს მაღალხელფასიანი და დაბალხელფასიანი.
საბოლოო ჯამში რომ დავთვალოთ საქართველოში დასაქმებულთა 11% იღებს ზუსტად იმდენ შემოსავალს, რასაც დანარჩენი 51% , შესაბამისად ძალიან დიდი სოციალური უთანასწორობა.” – განაცხადა თამაზ დოლაბერიძემ.
როგორც პროფესიული კავშირების თავმჯდომარის მოადგილე ამბობს მინიმალური ხელფასის დაწესება არის გამოსავლი იქიდან რომ, მოსახლეობა ეტაპობრივად გამოვიდეს სიღარიბიდან:
“რაც ყველაზე მნიშვნელოანია, კანონპროექტში გვიწერია რომ, მინიმალური ხელფასის ოდენობა უნდა გადაიხედიოს ყოველწლიურად, ინფლაციის შესაბამისად.
როგორც წესი ბიზნესი ყოველთვის მიდის ასეთი საკითხების წინააღმდეგ. ჩემი აზრით თუ ვართ სახელმწიფო და თუ ამ სახელმწიფოში არ ცხოვრობენ მხოლოდ ბიზნესმენები, ჩვენ უნდა მივეჩვიოთ ჩვენი საზოგადოების სოლიდარულ პრინციპებზე დაყენებას. ჩვენ ერთმანეთს ხელი უნდა შევუწყოთ განვითარებაშიც ცხოვრებაშიც, განათლებაშიც, ჯანდაცვაშიც და ა.შ. ბიზნესმა უნდა აიღოს პასუხისმგებლო სახელმწიფოსთან ერთად სოციალური სახელმწიფოს მშენებლობის პროცესში.” – ამბობს პროფესიული კავშირების გაერთიანების თავმჯდომარის მოადგილე თამაზ დოლაბერიძე.
შეგახსენებთ საქართველოს პროფკავშირების გაერთიანებამ პარლამენტში მინიმალური ხელფასის განსაზღვრასთან დაკავშირებით საკანონმდებლო ინიციატივა გუშინ შეიტანა. კანონპროექტის მიხედვით მინიმალური ხელფასი თვეში არანაკლებ 320 ლარით განისაზღვრება. მომდევნო ეტაპი კი 25 000 ხელმოწერის შეგროვებაა.
მოქმედი კანონმდებლობით საქართველოში მინიმალური ხელფასი 20 ლარით არის განსაზღვრული.
