ზარათის ჩანჩქერი:
სოფელი ზარათი, წყალტუბოში, მდებარეობს ქუთაისიდან 13 კილომეტრში, ჩრდილო დასავლეთით, რიონის ხეობაში, მოსახლეობა 50 კომლი. ძალიან ლამაზი ლანშაპტია, და დიდი პოტენციალი აქვს ტურისტული თვალსაზრისით
ძევრის გამოქვაბულები:
სოფელი ძევრი, თერჯოლის მუნიციპალიტეტი
მდინარე ძევრულას ხეობაში, ულამაზეს ბზის კორომებში მდებარეობს კლდეზე ნაკვეთი სხვადასხვა ზომის მღვიმე. 35 000 ათასი წლის წინ, ამ ბუნებრივ გამოქვაბულებში ცხოვრობდნენ პირველყოფილი ადამიანები. გამოქვაბულებამდე მიდის ტყის ვიწრო ბილიკი, მას იყენებდნენ თავშესაფრად და საკულტო ადგილებად.
ძევრის გამოქვაბულებთან მისასვლელი ვიწრო ბილიკი კლდეზე გადის, სადაც ბრინჯაოს უძველესი ქალღმერთის ქანდაკების მონახულებასაც შეძლებ. აქვეა აღმოჩენილი პრეისტორიული ცხოველების ნაშთიც.
გამოქვაბულებში მოგზაურობა პირველყოფილი ადამიანის ცხოვრების წესსა და პირობებს გაგაცნობს.
სამცვერას ჩანჩქერი:
სამცვერას ჩანჩქერი – ჩანჩქერი მდინარე ძუსას ხეობაში, სოფელ ზოვრეთის აღმოსავლეთით, სოფელ ქვედა საზანოს სამხრეთ-დასავლეთით, ზესტაფონის მუნიციპალიტეტში, იმერეთში, ზღვის დონიდან 170 მეტრ სიმაღლეზე.
ჩანჩქერს ზაფხულობით უამრავი ადამიანი სტუმრობს. აქ შეგიძლიათ იცურაოთ მდინარე ძუსაში და ასევე სასიამოვნოდ გაატაროთ დრო ბუნებაში.
როგორ მივიდეთ
ჩანჩქერთან ახლოს გადის ასფალტიანი სამანქანო გზა. გზიდან ჩანჩქერამდე მიდის საფეხმავლო ბილიკი რომლის სიგრძე სულ რაღაც 200 მეტრია. ბილიკზე გადაადგილება შეუძლია ნებისმიერ ადამიანს. მანძილი ზესტაფონიდან -15 კმ. თერჯოლიდან -15 კმ. ქუთაისიდან – 45 კმ.
ქადაგიძის რაფი:
ქადაგიძის რაფი – 4 მერტის სიმაღლის ჩანჩქერი მდინარე ძუსას ხეობაში, სოფელ საზანოში, თერჯოლის მუნიციპალიტეტი, იმერეთი.
ზაფხულში, როცა წყლის დონე მნიშვნელოვნად იწევს დაბლა, შეგიძლიათ დაინახოთ 25 მეტრის სიგრძის გამოქვაბულის შესასვლელი.
ჩანჩქერის გვერდით შემონახულია ასევე დინოზავრის ნაკვალევი, აქ ასეთი 7 ადგილია მონიშნული.
ზაფხულის ცხელ დღეებში ეს ადგილი ძალიან პოპულარულია ადგილობრივ მაცხოვრებლებში.
ყუმისთავის მწვანე კანიონი:
უნდა აღვნიშნოთ ამავე სოფელში მდებარე გაბზარული ტბა:
გაბზარული ტბა – ბუნების ძეგლი, მდებარეობს იმერეთში, წყალტუბოს მუნიციპალიტეტში, სოფელ ყუმისთავში, ზღვის დონიდან 166 მეტრზე.
ცუცხვათის 13 სართულიანი მღვიმე:
მღვიმის უნიკალურობას, სწორედ სართულების სიმრავლე განაპირობებს.ვრცლად
კაცხის სვეტი:
ზეცისკენ მიმავალი საფეხურია, ეს არის ადგილი, სადაც გამეფებულ მარადიულ სიწყნარეში ღმერთის არსებობას იგრძნობთ.
კაცხის სვეტი მდებარეობს იმერეთში, ჭიათურის მუნიციპალიტეტში. ის მიიჩნევა ჭიათურის სიმბოლოდ, რადგან აქ ძირითადად სწორედ და ბუნების შედევრის სანახავად მოდიან. კაცხის სვეტზე არსებულ პაწაწინა მონასტერში ერთადერთი განდეგილი ცხოვრობს. სამწუხაროდ, კაცხის სვეტზე ქალები არ დაიშვებიან. მისი სიმაღლე დაახლოებით 40 მეტრია. იყო დრო, როდესაც კაცხი კერპთაყვანისმცემლობის მთავარ ადგილს წარმოადგენდა. მოგვიანებით, ის იმ ქრისტიანთა თავშესაფრად იქცა, რომელთაც სურდათ ამქვეყნიურ ცდუნებებს გაქცეოდნენ. აქ არის 131 საფეხურიანი კიბე, რომელიც განდეგილს თითქოს ზეცისკენ მიუძღვება. კიბეზე ასვლას დაახლოებით 20 წუთი სჭირდება.
რაც შეეხება ხედებს, ნამდვილად თვალწარმტაცია. აქ შეგიძლიათ დაინახოთ, თუ როგორ უერთდება ხმელეთი ზეცას.
კაცხის სვეტთან ასასვლელად პირველ რიგში ჭიათურაში უნდა ჩახვიდეთ. (თბილისში დიდუბიდან ყოველ საათში ერთხელ გადის სამარშრუტო ტაქსი, მგზავრობის საფასური 6 ლარია). დაახლოებით 3 საათი სჭირდება ჭიათურაში ჩასვლას.
საბაგიეროების ქალაქი ჭიათურა:
1954 წელს ჭიათურაში აშენდა სსრკ-ში პირველ სამგზავრო საბაგირო გზა, ქალაქის ცენტრსა და პერევისის სამრეწველო უბანს შორის. სამგზავრო საკიდი საბაგირო გზების რაოდენობა ჭიათურის შემოგარენში ორ ათეულზე მეტია, რაც ერთ ერთი მაღალი მაჩვენებელია მსოფლიოში[5]. ჭიათურის სამგზავრო საკიდი საბაგირო გზების პროექტების შედგენა და მშენებლობა ადგილობრივმა ინჟინერებმა განახორციელეს. ამ საქმის გამოჩენილი სპეციალისტი იყო გიორგი ფანცულაია, რომლის პროექტით როგორც ჭიათურაში, ისე რუსეთის სხვა ქალაქებშიც აშენდა საკიდი საბაგირო გზები. 1964 წელს ჭიათურა ტროლეიბუსის ხაზით დაუკავშირდა საჩხერეს.
ზეკარის წითელი მინდვრები:
ზეკარის სახელით ცნობილი უღელტეხილის ზემოთ მხოლოდ ცა და ღრუბლებია. ირგვლივ თვალუწვდენელ სივრცეებს ნახავ. ეს უღელტეხილი იმერეთშია, თუმცა იმერეთისა და სამცხე-ჯავახეთის ულამაზესი პეიზაჟების თვალიერება აქედან ერთდროულად შეგიძლია. ზეკარზე ჰაერიც და წყალიც სამკურნალოა. გოგირდის წყაროები უებარი წამალია მრავალი დაავადებისთვის. სწორედ ამიტომ კურორტ ზეკარს ბალნეოლოგიურ სასწაულს უწოდებენ.
ხის სალოცავები სამტრედიაში
კულაშის სინაგოგა იმერეთის მხარეში, სამტრედიის მუნიციპალიტეტში მდებარეობს. იგი XVIII საუკუნით თარიღდება. სინაგოგა ერთსართულიან სადა ხის ნაგებობას წარმოადგენს. შენობის ინტერიერში გვხვდება ორნამენტული მოხატულობა. მის გვერდით დგას ხის დიდი სინაგოგა, რომელიც მე-20 საუკუნის დასაწყისში აუშენებიათ. სინაგოგაში შესვლა და დათვალიერება ნებისმიერ მსურველს შეუძლია.
ღანირის წმინდა გიორგის სახელობის ხის ეკლესია სამტრედიის მუნიციპალიტეტის სოფელ ღანირში მდებარეობს, რომელიც ხის ეკლესიებში ერთ-ერთი უძველესია. იგი მე-19 საუკუნის პირველ ნახევარში ააგეს.
ეკლესია საბჭოთა ტერორისგან ორსულმა ქალებმა იხსნეს. მას ოვალური ჭერი აქვს. ღანირის ხის ეკლესიას „ნოეს კიდობანსაც“ ეძახიან.
