ხონის მუნიციპალიტეტის საკრებულოში, ახალი მოწვევის საკრებულოს პირველი სხდომა გაიმართა.
ახლად არჩეული საკრებულოს პირველი სხდომა ცენტრალური საარჩევნო კომისიის თავმჯდომარემ გახსნა. მაგდა კობეშავიძემ, საკრებულოს წევრებს სიტყვით მიმართა და 2025 წლის არჩევნები შეაჯამა. რის შემდეგაც, სხდომას უხუცესი წევრი ივანე უგრეხელიძე წარუძღვა და დეპუტატებს დღის წესრიგით გათვალისწინებული საკითხები გააცნო.
სხდომაზე, დღის წესრიგის დამტკიცების შემდეგ, უმრავლესობის წარდგინებით, საკრებულოს თავმჯდომარის თანამდებობაზე დასახელდა აკაკი გოფოძის კანდიდატურა , რის შემდეგაც ფარული კენჭისყრით, ახალი მოწვევის საკრებულოს თავმჯდომარედ, ხმათა უმრავლესობით არჩეულ იქნა აკაკი გოფოძე.
„ მინდა მადლობა გადავუხადო ხონის მოსახლეობას და თითოეულ თქვენგანს გამოცხადებული ნდობისთვის, ჩემთვის წარმომადგენლობითი ორგანოს თავმჯდომარეობა არის ძალიან დიდი პასუხისმგებლობა. მჯერა, ჩვენ ყველა, ერთობლივი ძალისხმევით შევძლებთ სასიკეთო ცვლილებების განხორციელებას ჩვენი მუნიციპალიტეტისთვის და თითოეული მოქალაქისთვის“.
საკრებულოს დღევანდელ სხდომაზე თავმჯდომარის არჩევასთან ერთად მოხდა თავმჯდომარის მოადგილეების არჩევა:
რეზო ბარაბაძე- საკრებულოს თავმჯდომარის პირველი მოადგილე;
ბაჩანა ბასილაია-საკრებულოს თავმჯდომარის მოადგილე;
გურამი ბახტაძე-საკრებულოს თავმჯდომარის მოადგილე
დღესვე, საკრებულოს სხდომაზე საკრებულოში მოქმედი კომისიების თავმჯდომარეებიც აირჩიეს. სხდომაზე დეპუტატების მიერ მიღებული გადაწყვეტილებით, ხონის წარმომადგენლობით ორგანოში მოქმედ 5 კომისიას უხელმძღვანელებენ:
ზურაბ მიქაძე-იურიდიულ, სამანდატო, საპროცედურო და ეთიკის კომისიის თავმჯდომარე;
ზაზა ვაშაკიძე- ჯანდაცვისა და სოციალურ საკითხთა კომისიის თავმჯდომარე;
გიგლა გოფოძე-განათლების, კულტურის და ახალგაზრდულ საქმეთა კომისიის თავმჯდომარე;
ამირან კაშია-ეკონომიკის, ქონების მართვისა და ინფრასტრუქტურის კომისიის თავმჯდომარე;
არსენ ბენდელიანი-საფინანსო-საბიუჯეტო კომისიის თავმჯდომარე
ახალი მოწვევის საკრებულოს სხდომაზე საკრებულოს ფრაქციები დაარეგისტრირეს და თავმჯდომარეები აირჩიეს. ხონის საკრებულოში 2 ფრაქცია დაკომპლექტდა:
ფრაქცია “ქართული ონცება დემოკრატიული საქართველო”-მამუკა ჭავჭანიძე;
ფრაქცია „ხალხის ძალა“-პავლე ქაშიბაძე
ახლადარჩეულმა საკრებულომ, დღევანდელ სხდომაზე, საკრებულოს კომისიების შემადგენლობა ცნობად მიიღო.
სხდომის დასასრულს, ხონისა და სამტრედიის მიტროპოლიტმა მეუფე საბამ, დალოცა ახალი მოწვევის საკრებულო და წარმატებები უსურვა.
ასევე, საკრებულოს სიტყვით მიმართა ხონის მერმა, ლადო ჯურხაძემ და წარმატებები უსურვა მომავალ საქმიანობაში.
