1.რა არის ამბროზია?
ამბროზია ერთ-ერთი ყველაზე ალერგიული სარეველაა, რომლის ერთი ძირი დაახლოებით 1 მილიონი ყვავილის მტვრის მარცვალს ავრცელებს დღის განმავლობაში
2. სად არის გავრცელებული ?
გავრცელებულია როგორც დასავლეთ საქართველოში (აჭარა, გურია, წყალტუბო) , ისე აღმოსავლეთ საქართველოში (ლაგოდეხი) . თუმცა იმის გამო რომ მისი ყვავილის მტვრის მარცვლები უხვი და მსუბუქია, ქარიან ამინდში შესაძლებელია გავრცელდეს დაახლოებით 600 კმ-ზე და მოიცვას მთელი ქვეყანა.
3. როდის ყვავის ამბროზია ?
აგვისტო-სექტემბერში ჰაერში ამბროზიის ყვავილის მტვრის მარცვლების კონცენტრაცია პიკს აღწევს, მცირე რაოდენობით შეინიშნება ოქტომბერშიც. ზოგადად ყვავილობას იწყებს ივლისში.
ის ადამიანები, რომლებსაც შარშან უკვე ჰქონდათ ალერგია და უკვე იციან, რომ ამ დროს ეწყებათ სიმპტომები, აუცილებელია მომზადებულები დახვდნენ სეზონს. ამბროზიის მიმართ ალერგიის დროს სასურველია პაციენტი ალერგოლოგთან მივიდეს ამბროზიის ყვავილობამდე 10-14 დღით ადრე დანიშნულების მისაღებად, რადგან თუ მკურნალობა ამბროზიის ყვავილობამდე დაიწყო, ადამიანი გაცილებით მსუბუქად გაივლის ალერგიულ სეზონს.
4. პრევენცია
მანქანით მგზავრობის დროს სასურველია ფანჯრები აწიოს და ჩართოს კონდეციონერი
როცა მცენარეული მტვრის კონცენტრაცია მაქსიმალურად მაღალია (დილის 10 საათიდან შუადღის 3-საათამდე) მოერიდოს გარეთ გასვლას. ეს გაფრთხილება განსაკუთრებით ეხება იმ ადამიანს, ვისაც ვარჯიში უყვარს, ამ დროს ადამიანი მეტი რაოდენობის ჰაერს ჩაისუნთქავს
გარეთ გასვლას ქარიან ამინდშიც უნდა მოვერიდოთ, ტანსაცმლის გარეთ გაშრობაც არ არის სასურველი, რათა ქარიანი ამინდში ტანსაცმელზე არ მოხდეს მტვრის დაგროვება და ჩაცმის დროს სიმპტომების პროვოცირება.
როდესაც სახლში დავბრუნდებით, სახეზე, ხელებზე დალექილი მცენარეული მტვერი ჩამოვირეცხოთ