ცესკოს წარმომადგენლები ევროპის პარლამენტის არჩევნებს დააკვირდნენ. 9 ივნისს, ცესკოს სამი დელეგაცია არჩევნებს სამ ქვეყანაში აკვირდებოდა.
საერთაშორისო დამკვირვებლის სტატუსით უნგრეთში მიმდინარე არჩევნებს ცესკოს მდივანი გიორგი ჯავახიშვილი და ცესკოს წევრი გიორგი ძაგანია აკვირდებოდნენ. არჩევნების მიმდინარეობას ცესკოს საფინანსო დეპარტამენტის უფროსმა ოთარ ბუსკივაძემ და ინფორმაციული უსაფრთხოების მენეჯერმა ლევან კახურაშვილმა ესტონეთში გაუწიეს მონიტორინგი.
ℹ ასევე საერთაშორისო დამკვირვებლის სტატუსით იმყოფებოდნენ ბუქარესტში ცესკოს იურიდიული დეპარტამენტის საარჩევნო პრაქტიკისა და ანგარიშების ანალიზის მენეჯერი მაკა ბენაშვილი და ადამიანური რესურსების მართვისა და შრომის უსაფრთხოების დეპარტამენტის თანამშრომელი ანა ცხადაძე.
დელეგაციის წევრები საარჩევნო უბნების გახსნის, არჩევნების მიმდინარეობისა და უბნების დახურვის პროცესს აკვირდებოდნენ.