რუსი ბიზნესმენი და საიუველირო სახლის დამფუძნებელი ცოლთან ერთად ოთხ შვილს ზრდის. ერთი შეხედვით ძალიან კარგი ურთიერთობა ჰქონდათ, უყვარდათ ერთმანეთი და აფასებდნენ. თუმცა ყველაზე რომანტიკული დღის წინ კლიუევი სკანდალის ეპიცენტრში აღმოჩნდა.
ილიამ პარალელურად სხვა ქალთან, ნატალიასთან დაიწყო ურთიერთობა. მასთან ვაჟი გაუჩნდა. ილია საყვარელთან ფარულ ურთიერთობას აგრძელებდა. ნატალია კვლავ დაფეხმძიმდა და კლიუევს კიდევერთი გოგონა შეეძინა.
იუველირმა საბოლოოდ გადაწყვიტა, რომ საყვარელთან ურთიერთობა გაეწყვიტა. თუმცა, მას დაჰპირდა, რომ შვილებზე ყველანაირ პასუხისმგებლობას აიღებდა და იზრუნებდა მათზე.
როგორც ჩანს, ნატალიას მხოლოდ ეს არ აკმაყოფილებდა და უფრო მეტს გეგმავდა ბიზნესმენთან დაკავშირებით. არ უნდოდა მასთან ურთიერთობის გაწყვეტა და როდესაც მამაკაცმა უარი განაცხადა გაგრძელებაზე, სასოწარკვეთილი იყო.
ქალმა მათი ორი საერთო შვილი და კიდევ ერთი ვაჟი, რომელიც წინა ურთიერთობიდან ჰყავდა, მოსკოვის შემოგარენში, ტყეში წაიყვანა. ბავშვებს აიძულა, რომსრულად გაშიშვლებულიყვნენ და ყინვაში ელოცათ -15 გრადუს ყინვასა და ქარში ბავშვები, დედის ბრძანების შესაბამისად, ლოცულობდნენ. იქ დაახლოებით 20 წუთი დარჩნენ, ვიდრე ხალხმა არ შეამჩნია და დახმარება არ გამოიძახა…
ნატალია აცხადებს, რომ არ იცის, თუ რატომ გადაწყვიტა ამ ფორმით შურისძიება.
ბავშვები სხვადასხვა ხარისხის გაყინვით საავადმყოფოში გადაიყვანეს. ნატალიას სამედიცინო გამოკვლევა უტარდება. თუ მას ფსიქიკური დარღვევა არ დაუდასტურდება, აუცილებლად წარდგება სასამართლოს წინაშე. ქალს პატიმრობა ემუქრება.
