“შედიოდნენ ბიჭებიც და გოგოებიც, გამოდიოდა ხმაური, შიგნით რას აკეთებდნენ მე რა ვიცი” – გავერანებული ყოფილი სამხედრო ჰოსპიტალის შენობა ქუთაისში

ასე გამოიყურება ქალაქის ცენტრი, კერძოდ, ხანძთელის ქუჩაზე არსებული ყოფილი სამხედრო ჰოსპიტალის შენობა. აღნიშნული ტერიტორია როგორც კადრებში ჩანს გავერანებულია. წლებთან ერთად შენობა ჩამოინგრა და ახლა აქ მხოლოდ ეკალ-ბარდებსა და ნაგავს შეხვდებით. უფრო მეტიც, როგორც ჩანს ტერიტორია ნარკოტიკების ინექციური მომხმარებლების საყვარელ ადგილად იქცა. აქ მრავლადაა მიმოფანტული ერთჯერადი საინექციო შპრიცები, პოლიეთილენის პარკები, ბოთლები და სხვადასხვა საყოფაცხოვრებო ნარჩენები. ეს ყველაფერი კი, ქალაქის ცენტრალურ ნაწილში ხდება. ააიპ სპეციალურ სერვისებში აცხადებენ, რომ აღნიშნული ტერიტორიის შიდა პერიმეტრი დაგვა-დასუფთავების ნუსხაში შეტანილი არ არის. თუმცა დასუფთავების აქციის ფარგლებში აღნიშნული ტერიტორია რამდენჯერმე გაიწმინდა, მაგრამ მას ისევ მოქალაქეები ანაგვიანებენ. გიორგი მჟავანაძე მოსახლეობას მეტი სამოქალაქო პასუხისმგებლობისკენ მოუწოდებს . ქუთაისის მერიაში აცხადებენ, რომ აღნიშნული ტერიტორია მერიის ბალანსზე არაა. შენობა კერძო საკუთრებაა და იგი წლების წინ ერთ-ერთმა ჩინურმა კომპანიამ შეისყიდა. მანამდე კი სანამ შენობის ბედი გაირკვევა ყოფილი სამხედრო ჰოსპიტალის ტერიტორია ანტისანიტარიის კერად ყოფნას განაგრძობს და საფრთხეს უქმნის ხანძთელი ქუჩის მოსახლეობას. იმედია ეს ზაფხული მშვიდობით ჩაივლის და ადგილობრივები ქვეწარმავლების შემოტევას გადაურჩებიან.

თეგები: ყოფილი სამხედრო ჰოსპიტალის შენობა

დაკავშირებული -პოსტები

გავრცელებულ ინფორმაციას რომ, ბავშვები წყალტუბოს ბაღშიც მოიწამლნენ არ ადასტურებს წყატუბის ბაღების გაერთიანება

ექიმ გიორგი ჩახუნაშვილსა და ზაქრო ალბუთაშვილს საპროცესო შეთანხმება გაუფორმდათ

ძალიან მნიშვნელოვანი გაფრთხილება „კრისტალურ მეტადონთან“ დაკავშირებით!!!! – ზურა სიხარულიძე

პაპუაშვილი ამტკიცებს, რომ არმაზ ახვლედიანის სკოლაში ადამიანებს “ტვინს ურეცხავენ”

ბაგა-ბაღების მართვის სააგენტო ასახელებს ბაღებს, რომლებიც დაიხურა

დღეს წმიდა იოანე ნათლისმცემლის მშობლები ხსენების დღეა

კატეგორიები