“პირველ რიგში მინდა დიდი მადლობა გადავუხადო პოლიციის დეპარტამენტს აქტიური და დაუღალავი შრომისთვის ინცინდენტის მოხდენის დაფისქისრებითანავე ჩვენს გვერდით იდგნენ ბოლო წუთამდე
შედეგიც სახეზეა დამნაშავე დავაკავეთ
მადლობა ათასიბით უცხო ადამიანს თანადგომისთვის და გამხნევებისთვის
პოლიციამ 1996 წელს დაბადებული, წარსულში ნასამართლევი და ამჟამად პირობითი მსჯავრის ქვეშ მყოფი ვ.დ., არასრულწლოვნის მიმართ განხორციელებული მუქარის ბრალდებით, თბილისში დააკავა.
გამოძიებით დადგინდა, რომ მიმდინარე წლის 25 ოქტომბერს, ბრალდებულმა 2012 წელს დაბადებულ ა.ქ.-ს საცხოვრებელი ბინის კარზე დაუკაკუნა და განუცხადა, რომ დახმარება სჭირდებოდა, უარის მიღების შემდეგ კი, სხვადასხვა ხერხით, მათ შორის მუქარით ცდილობდა, იძულებული გაეხადა არასრულწლოვანი, მისთვის ბინის კარი გაეღო.
მას შემდეგ, რაც არასრულწლოვანმა ვ. დ.-ს უთხრა, რომ ის პოლიციაში დარეკავდა, ბრალდებული ადგილიდან მიიმალა.
სამართალდამცველებმა, ჩატარებული საგამოძიებო მოქმედებების შედეგად, დანაშაულის სავარაუდო ჩამდენი პირი მომხდარიდან მეორე დღეს, თბილისში დააკავეს.
გამოძიება საქართველოს სისხლის სამართლის კოდექსის 151-ე მუხლის მე-2 ნაწილით მიმდინარეობს, რაც არასრულწლოვნის მიმართ განხორციელებულ მუქარას გულისხმობს.
დანაშაული 3 წლამდე ვადით თავისუფლების აღკვეთას ითვალისწინებს.
მომხდარ ფაქტთან დაკავშირებით სოციალურ ქსელში დაწერა არასრულწლოვანის დამ. პოსტი ქრისტი ქორიძემ 25 ოქტომბერს გამოაქვეყნა.
