ადამიანებმა, მას შემდეგ , რაც ნიკეას ქუჩაზე დამონტაჟებულ დგარზე დროშა ვერ დაინახეს, ჩათვალეს რომ ქარმა წაიღო და ინფორმაციაც გავრცელდა. რასაც მერიის პრესსამსახურის წარმომადგენელმა დათო ლიკლიკაძემ სოციალურ ქსელ;ში უპასუხა:
,,მეგობრებო, ქუთაისში დროშა ქარმა კი არ წაიღო, არამედ ქარმა დააზიანა და ჩამოხსნეს შესაცვლელად.
მაგრამ ვისაც გინდათ რომ “ქარმა წაიღო” იღლიცინეთ, ნუ რას ვიზამთ.
მე მესმის, რომ სიცრუე სწრაფად გარბის, ხოლო სიმართლე საცოდავად მისდევს უკან. მაგრამ რაც არ უნდა მიჩანჩალებდეს მაინც სიმართლეა!”-წერს დათო ლიკლიკაძე.
როგორც ჩანს, საზოგადოება მეტად გამძლე და ქუთაისის კლიმატურ პირობებთან შესაბამისი ქსოვილით დამზადებულ დროშას და კონსტრუქციას ელოდა.
ქუთაისის მერია ნიკეას ქუჩაზე დროშის მოწყობას ორ წელზე მეტი ცდილობდა.
ეროვნული სიმბოლიკის დადგმა ხუთჯერ, სხვადასხვა მიზეზით ჩაიშალა.
დროშის მოწყობა ბიუჯეტს 49 959 ლარი დაუჯდა.
