“ქუთაისი ძალიან მძიმე მდგომარეობაში იმყოფება.” – ამის შესახებ ენმ-ს ლიდერმა გრიგოლ ვაშაძემ ორგანიზაციის ქუთაისის ოფისში ბრიფინგზე განაცხადა.
“ჩვენ აქ ვისაუბრეთ რა სირთულეები იქნება მას შემდეგ რაც პანდემია დასრულდება და ქალაქს მოუწევს ამ სირთულეებიდან გამოსვლა. ამიტომ მე მინდა ვთხოვო ერთიანი ნაციონალური მოძრაობის ფრაქციას საკრებულოში სასწრაფოდ შევიდნენ იმ ინიციატივებით, რომლებიც მომზადებულია და რომლბიც ითვალისწინებს ქალაქის ბიუჯეტის გადახედვას, იმისათვის რომ, მაქსიმალური რაოდენობის თანხა ქუთაისის მაცხოვრებლების, საქართველოს მოქალაქეების, ფიზიკურ, სოციალურ და ეკონომიკურ კეთილდღეობაზე იყოს გადამისამართებული, წინააღმდეგ შემთხვევაში ჩვენი მოქალაქეები ძალიან მძიმე მდგომარეობაში აღმოჩნდებიან და ეს კიდევ უფრო დიდ გავლენას მოახდენს იმ საპარლამენტო არჩევნებზე, რომელიც წინ გვაქვს” – განაცხადა გრიგოლ ვაშაძემ დღეს, ქუთაისის ოფისში გამართულ ბრიფინგზე.
