,, “დიდი ხანძარი” მართლა მოხდა ქუთაისში, ეს იყო 1927 და არა 1928 წელს. გადაიწვა შაუმიანის, აზერბაიჯანის, ხანანაშვილის და მაიაკოვსკის ქუჩები და მახარაძის ქუჩის დასაწყისი. 156 ოჯახი დარჩა უსახლკაროდ. გრიგალი იყო თურმე, ასეთი ქარი ქუთაისს არ ახსოვსო (ქუთაისს რომ ქარი გაუკვირდება, ხომ წარმოგიდგენიათ რა იქნებოდა). მოგეხსენებათ, მაშინ სახლები, ძირითადში ფიცრულები იყო, არც ხანძრის ქრობის ტექნიკა იყო დღევანდელის მსგავსი. ერთადერთი, რაც მაშინდელმა ხელისუფლებამ შესძლო ის იყო, რომ სამხედრო გარნიზონი დაასია ხანძრის კერას და სულ ცეცხლმოდებული სახლებიდან გამოჰყავდათ მცხოვრებლები, ხელში აყვანილი, თან ევაკუაცია ხდებოდა ხანძრის გავრცელების არეალიდან … გმირობის ტოლფასი იყო, რომ არც ერთი ადამიანი ასეთ სტიქიაში არ დაღუპულა. ებრაელთა კომპაქტური დასახლება იყო და უმეტესად ებრაელი მოსახლეობა დაზარალდებოდა, თავისთავად ცხადია, თუმცა ქართველებიც ცხოვრობდნენ სტიქიის ზონაში, რუსებიც და სხვა ეროვნების ხალხიც. დაზარალებულთა დიდი ნაწილი ბედად გადარჩენილ, ე.წ. “ესკაბეს” შენობაში ჩაასახლეს, დარჩენილი ნაწილი ქალაქის მოსახლეობამ შეიფარა და ქუჩაში არც ერთი დაზარალებული არ დაუტოვებიათ. ჩვენ რა სახითაც გვახსოვს ეს ქუჩები,– სულ ხანძრის შემდგომი პერიოდისაა … მშენებლობა, დამწვარი ფიცრულების ადგილზე კაპიტალური ნაგებობებით, დამკვრელური წესით, განხორციელდა ცენტალიზებული სახსრებით, სახელმწიფოს მიერ. წელიწადნახევარში ყველა დაზარალებული დაბინავებული იყო საკუთარ ჭერქვეშ. ამ პერიოდში “რიონჰესის” მშენებლობაც კი შეაჩერეს და მთელი ძალები მიმართეს დაზარალებულთა სახლების აღდგენაზე. ამას ყველაფერს მიამბობდა ბატონი გრიშა ფაჩუაშვილი, მიშა ნიკოლეიშვილი და სერგო ჯანჯალია, რომლების შემწრეები იყვნენ ამ უბედურებისა. ასე, რომ ქალაქის ჩრდილოეთი ფრთა მოხვდა ხანძრის სტიქიის ზონაში”-წერს ბატონი ივანე აფრიდონიძე, რომელსაც წლების მანძილზე მოსამარლის მანტია ემოსა.
ბედნიერი ვარ, რომ საქართველოს ნაკრები “ევრო 2024”-ზე ითამაშებს-გიორგი მამარდაშვილი
"ვალენსიას" X-ის ოფიციალურ გვერდზე გიორგი მამარდაშვილის ვიდეომიმართვა გამოქვეყნდი სპორტსმენი კლუბის გულშემატკივრებს საქართველოს ნაკრების წარმატებას უზიარებს. "მოგესალმებით გულშემატკივრებო! ბედნიერი ვარ, რომ საქართველოს ნაკრები "ევრო 2024"-ზე ითამაშებს. მინდა, ეს მიღწევა ყველა თქვენგანს გაგიზიაროთ. შევხდებით...