სამშობლო გვიხმობს, ყველას გელოდებით პარლამენტთან 6 საათზე – განაცხადა სტრატეგია აღმაშენებლის ლიდერმა გიორგი ვაშაძემ საკანონმდებლო ორგანოში და მოქალაქეებს ქუჩაში გამოსვლისკენ მოუწოდა.
ოპოზიციამ რუსთაველის გამზირზე დღეს, საღამოს 6 საათზე აქცია მას შემდეგ დააანონსა, რაც პროტესტის მიუხედავად, “ოცნებამ” და მისმა დანაყოფმა “ხალხის ძალამ” საკომიტეტო მოსმენა, სადაც რუსული კანონპროექტი უნდა განიხილონ, მაინც დაიწყო.
“რაც ხდება ახლა კომიტეტზე არის სრულიად უკანონო . შეკრულია ყველა უმრავლესობის წევრი, რომ რუსული ინტერესები გაატარონ ქვეყანაში. ჩვენ გვინდოდა პარლამენტის თავმჯდომარესთან შეხვედრა რომ მას შეეწყვიტა ეს უკანონ პროცესი რაც დრეს მიდის, მაგრამ ხედავთ, რომ პოლიციელების ზურგს უკან, ეს ლაჩრები, მხდალი ნაძირლები, რუსეთის ინტერესის გამტარებლები, არაფრისმაქნისი პარლამენტს თავმჯდომარე შალვა დოქსოპულო არის მიმალული, სიტყვასაც არ ამბობს ამ დროს, როცა ეს ხდება პარლამენტში.
ყველას გთხოვთ, რომ შევიკრიბოთ პარლამენტთან, ორშაბათსაც არის კომიტეტის სხდომა, შემდგომ არის სესიები. ხალხის ძალა არის მთავარი და გადამწყვეტი. დღეს შევიკრიბოთ 6 საათზე, რომ ვაჩვენოთ რეალური ხალხის ძალა რაშია, რომ ჩვენ არასდროს რუსეთის მონები არ გავხდებით.” განაცხადა ვაშაძემ.
