ხარაგაულში ჩინური სამშენებლო კომპანიის “ჰუნანის” 250 თანამშრომელი, ხელფასის მომატების მოთხოვნით, იფიცება. კომპანიის თანამშრომლები ამბობენ, რომ ხელფასი შესრულებული სამუშაოს შესაფერისი არ არის. მითივე თქმით, ქვეყანაში შექმნილი ეკონომიკური კრიზისის გამო, დასაქმებულები ოჯახების რჩენას ვეღარ ახერხებენ.
“მაგისტრალზე ვაპირებთ გაფიცვას. მაგისტრალის გვერდზეა ქარხანა. ჩვენი მთავარი მოთხვნა, ხელფასების გაზრდა იქნება. სამუშაო მეტად მძიმე შესასრულებელია და ხელფასი მეტად დაბალი. ყველაფერი რომ გაძვირდა მაგის გამო ჩვენი ხელფასი არაფერია, ძალიან ძნელია ამ ხელფასით ოჯახის შენახვა. ჩინური კომპანიის წარმომადგენლები მოვიდნენ და გვითხრეს, გამორიცხულია ხელფასის მომატება, ფული რომ გაუფასურებულია, თქვენი მთავრობის ბრალიაო”,- ამბობს კომპანიის თანამშრომელი.
კომპანია “Hunan Road and Bridge Construction Group” -ის თანამშრომლები სამსახურში არ დაბრუნდებიან მანამ სანამ ხელმძღვანელობა მათ მოთხოვნას არ დააკმაყოფილებს.
Mtavari.tv