ეკონომიკის ქონების მართვისა და საქალაქო მეურნეობის კომისიის სხდომა
ქუთაისის მუნიციალიტეტის საკრებულოს ეკონომიკის, ქონების მართვისა და საქალაქო მეურნეობის კომისიის რიგით სხდომაზე დეპუტატებმა მუნიციპალიტეტის ტერიტორიაზე არასასოფლო-სამეურნეო დანიშნულების მიწის ნაკვეთების საწყისი ფასის განსაზღვრის შესახებ იმსჯელეს.
მიმდინარე სხდომაზე კომისიის წევრებმა ასევე განიხილეს მოქალაქის განცხადება, რომელიც გარე რეკლამის განთავსების გეგმის დამტკიცებას ითვალისწინებს.
სხდომაზე განხილული იქნა კოტე ბარქაიას ქუჩაზე მცხოვრები მოქალაქეების განცხადებაც, რომელითაც ადგილობრივები ქუჩისათვის თამარ მეფის სახელის დაბრუნებას მოითხოვენ.
” საბაზრო ღირებულების გათვალისწინებით დამოუკიდებელი აუდიტორის (ექსპერტის) მიერ ხდება არასასოფლო სამეურნეო მიწის ნაკვეთების ფასის განსაზღვრა, რომლის შემდეგაც ადგილობრივი თვითმმართველობა ადგენს მიწის ღირებულების საფასურს. შესაძლოა მუნიციპალიტეტის ტერიტორიაზე არსებულ ზონებსა და ქვზონებში მოხდეს როგორც ფასის მატება ასევე შემცირება. 2020 წელს დადგენილი მიწის ნაკვეთის ღირებულება კი მოსახლეობისთვის სხვადასხვა საკომუნიკაციო საშუალებებით იქნება ცნობილი.
დღესვე ვიმსჯელეთ მოქალაქეების მხრიდან შემოსულ წერილებზეც. ყოფილ თამარ მეფის ქუჩაზე მცხოვრებლები, მათ მისამართზე კოტე ბარქაის ქუჩის სახელწოდების გაუქმებას და ძველი სახელი თამარ მეფის ქუჩის დაბრუნებას ითხოვენ. მოქალაქეების ეს მოთხოვნა კომისიის წევრებმა მოიწონეს. აღნიშნული საკითხი შესაბამის პროცედურებს რამდენიმე დღეში გაივლის.”- აღნიშნა კომისიის თავმჯდომარემ, გიორგი ჭეიშვილმა.
