ახალი კორონა ვირუსის, კოვიდ-19 -ის გავრცელება მსოფლიოს გლობალური და რეგიონული გამოწვევაა. ვირუსთან ბრძოლაში განსაკუთრებულ მნიშვნელობას პირადი და საზოგადოერივი ადგილების ჰიგიენის დაცვა იძენს.
მართალია, იმერეთი და ქუთაისი დაბალი რისკის ჯგუფს განეკუთვნება, თუმცა აქ, შედარებით მაღალია ყველა იმ რეკომენდაციის შესრულების პასუხისმგებლობა, რომელიც მსოფლიო და საქართველოს ჯანდაცვის ორგანიზაციებმა გასცეს.
იმერეთშიც განუზომელია ეპიდემიოლოგებისა, დაავადებათა კონტროლის მუშაკებისა და ინფექციონისტების როლი, თუმცა აქვე უნდა აღინიშნოს თვითმმართველობისა და არასამთავრობო ორგანიზაციების, მათ შორის მოხალისეთა მუშაობა.
ისე როგორც ყველა მმართველი რგოლი, თვითმმართველობებიც დისტანციური მუშაობის რეჟიმზე გადავიდა, მაგრამ რეკომენდაციების დაცვით, ცალკეული ადმინისტრაციული ერთეულები ცდილობენ მნიშვნელოვანი საჭიროების მქონე მოქალაქეებთან შეხვედრასა და მათ დახმარებას.
ავტოქარხნის ადმინისტრაციულ ერთეულში სპეციალური ეკიპირებით, თავად საკრებულოს მაჟორიტარი დეპუტატი მერაბ კვიცარიძე ახდენდა ცალკეული ადგილების, მათ შორის, ადმინისტრაციული ერთეულის ოფისის დეზინფექცირებას. მერაბ კვიცარძე ექიმი, პოეტი, ზურაბ გორგილაძის პრემიის ლაურეატი, ქველმოქმედი, საპატიო ქუთაისელი და პროექტის „საქართველო წერს ვეფხისტყაოსანს“ ინიციატორია.ფოტო გიგა ციბაძემ გაავრცელა:
ადმინისტრაციის ხელმძღვანელი გიგა ციბაძე აქტიურად იყენებს სოციალურ ქსელს და სისტემატიურად ასაჯაროებს მათ მიერ გაწეულ მუშაობას.
კორონა ვირუსი არ ირჩევს მსხვერპლს სოციალური, პოლიტიკური და გენდერული ნიშნით. მასთან ბრძოლა და გამკლავება მხოლოდ სოლიდარული და ერთიანი მოქმედებითაა შესაძლებელი. კვლავ ძალაში რჩება მოწოდება :
