დრო არ ითმენს , ტექნოლოგიების და კომუნიკაციების განვითარება ახალ ტერმინებს წარმოშობს , იზრდება საერთაშორისო დონის შეთანხმებების რაოდენობაც, რომლის ზუსტი თარგმანი ქვეყნისათვის სასიცოცხლოდ მნიშვნელოვანია. თუ იმასაც გავითვალისწინებთ, როგორც ენათმეცნიერი ლია ქაროსანიე წერს ევროკავშირის ხელშეკრულების ტექსტის არასწორი თარგმანის გამო სერბეთი 20 მილიონი დოლარით დააჯარიმეს, საქმე მით უფრო საყურადღებოა და იგი უპირველესად, სახელმწიოს მხარდაჭერა აჭიროებს.
,,როგორც აღმოჩნდა, ევროკავშირთან ხელშეკრულების თარგმნის აუცილებლობამ ნათლად წარმოაჩინა ევროპის მრავალი ქვეყნის შესაძლებლობა თუ უძლურება. ზოგ ქვეყანაში ჩამოყალიბებული ტერმინოლოგია დაახვედრეს და არავითარი წინააღმდეგობა არ ჰქონიათ, ზოგი ქვეყანა კი წარმოუდგენელი სირთულის წინაშე დადგა. უცხოურ სამეცნიერო ლიტერატურაში უკვე გამოჩნდა ასეთი შემთხვევების შესწავლასთან დაკავშირებული სტატიებიც.
ევროკავშირის ხელშეკრულების ტექსტის არასწორი თარგმანის გამო სერბეთი 20 მილიონი დოლარით დააჯარიმეს, ეს შემთხვევა საგანგებოდაა შესწავლილი, რათა სხვაგანაც იგივე არ განმეორდეს. საბოლოოდ, ამ კვლევების შედეგად დადგინდა ის, რაც, ცხადია, ახალი არ არის, მაგრამ დროდადრო, როგორც ჩანს, შეხსენება გვჭირდება: ჯერ შეისწავლეთ ცნებები, დაადგინეთ ტერმინები და მერე დაიწყეთ თარგმნაო. ხოდა სად არის საქართველო? ჩვენს ქვეყანაში უკვე რამდენიმე წელია, შეწყვეტილია შეთანხმებული, მართული ტერმინოლოგიური მუშაობის სახელმწიფო მხარდაჭერა.
2010 წელს ენათმეცნიერების ინსტიტუტში ტერმინოლოგიის განყოფილებამ მოიწვია ყველა ბანკის საზოგადოებასთან ურთიერთობის წარმომადგენელი ტერმინოლოგიაზე სასაუბროდ, ვთხოვეთ, გაგვეერთიანებინა ყველა შესაძლებლობა და შეგვექმნა ქართული საბანკო ტერმინოლოგია, შეიქმნებოდა საერთო ტერმინთბანკიც, რომელსაც სხვა დარგებიც დაემატებოდა. ჩავიწერეთ კიდეც შეხვედრა, რომელსაც საბჭოს წევრებიც ესწრებოდნენ. არაო, სახელმწიფო თუ არ დაგვავლებს, ჩვენით ვერ გავაკეთებთო.
რაც ხდება ქართულ საბანკო ტერმინოლოგიაში, ვიცით და ევროკავშირის ხელშეკრულების ქართულ თარგმანში, ვინმემ იცის?
ახლა მონაცემებზე ნადირობაა საქართველოში და იმაზე კი არ ფიქრობენ, რომ ამ მონაცემებს შესწავლა, კვლევა და განვითარება სჭირდება. დრო მიდის, მკვლევართა რაოდენობა მცირდება ჩვენს ქვეყანაში. მე მაინც გამუდმებით განვიხილავ ამ საკითხებს (მოხსენებებშიც, სტატიებშიც), რომ მერე ვინმემ, ამ საკითხებში ჯერ კიდევ გაურკვეველმა, ისე მარტივად და ზემოდან არ გადმოგვძახოს, თქვენ ვერ აკეთებთ, მე გავაკეთებო! ნეტა, მართლა აკეთებდნენ!
P.S. ამ საკითხებზე დაწერილ ერთი საინტერესო სადისერტაციო ნაშრომს ვკითხულობ და მახარებს, რომ, მიუხედავად ყველაფრისა, მაინც არსებობენ საქმის ერთგული ადამიანები. “-წერს ენათმეცნიერი ლია ქაროსანიძე
