ნიჟნი ნოვგოროდის რეგიონში დაკარგული ამერიკელი სტუდენტის გვამი იპოვეს,- რუსეთის ხელისუფლებამ 19 ივნისს განაცხადა, რომ ეჭვმიტანილი მამაკაცი დააკავეს.
რუსეთის მთავრობის, ცნობით პოლიციამ გამოძიება დაიწყო მას შემდეგ, რაც კეთრინ სერუ უგზო-უკვლოდ დაიკარგა. როცა ის უკანასკნელად 34 წლის ამერიკელი, უცნობ მამაკაცს ჩაუჯდა მანქანაში.
ფედერალურმა საგამოძიებო კომიტეტმა განაცხადა, რომ „მკვლელობის ეჭვით“ დააკავეს 40-ს გადაცილებული ადგილობრივი მცხოვრები, რომელიც ადრეც იყო ნასამართლევი „მძიმე და განსაკუთრებით მძიმე დანაშაულებებისთვის“.
სერუს დედამ, რომელიც მისისიპიში იმყოფება, ადგილობრივ მედიასთან თქვა, რომ უკანასკნელად შვილთან კონტაქტი 15 ივნისს ჰქონდა, როცა მისგან მიიღო ტექსტური შეტყობინება:
„ვზივარ უცხო ადამიანის მანქანაში. იმედი მაქვს, რომ არ გამიტაცა“,- წერდა ის.
პოლიცია და ასზე მეტი მოხალისე მონაწილეობდა ნიჟნი ნოვგოროდის შემოგარენში, ტყიან რეგიონში ძებნაში.
სერუ ყოფილი საზღვაო ქვეითი იყო და ავღანეთში მსახურობდა. ის 2019 წლის შემოდგომიდან ირიცხებოდა ნიჟნი ნოვგოროდის ლობაჩევსკის უნივერსიტეტში.
