ასაკის მატებასთან ერთად,ჩვენი შემეცნებითი ფუნქციები იკლებს. ზოგიერთი ცვლილება ბუნებრივი და მოსალოდნელია, მაგრამ უფრო მძიმე შემთხვევებმა შეიძლება გამოიწვიოს დემენცია.
მიუხედავად იმისა, რომ დემენციის ყველა ფორმის სრულად პრევენცია არ არის შესაძლებელი, კვლევამ აჩვენა, რომ თქვენი ცხოვრების წესისა და დიეტის გარკვეულმა ცვლილებამ შეიძლება შეამციროს თქვენი რისკი ან გადადოს მისი დაწყება.
„როგორც ნევროლოგი, მე მოვუწოდებ ჩემს ყველა პაციენტს, შეცვალონ და დანერგონ ჩვევები ყოველდღიურ ცხოვრებაში, ტვინის ჯანმრთელობის გასაუმჯობესებლად”, – თქვა ექიმმა.
დაიწყეთ დღე ტვინისთვის ჯანსაღი საუზმით
ნევროლოგის თქმით, ის ცდილობს ბევრი წყალი დალიოს, კარგად დაიძინოს და დღეში სამჯერ ჭამოს. კერძოდ, ექიმი გვირჩევს, თავად მოამზადოთ ნოყიერი საუზმე, რომელიც შეიცავს მრავალმარცვლოვან პურს ბოჭკოს მაღალი შემცველობით, ბერძნულ იოგურტს, თხილსა და კენკრას.
„მრავალმარცვლოვან პურში შემავალი ბოჭკოები და იოგურტში შემავალი პრობიოტიკები ხელს უწყობენ ნაწლავის ჯანსაღ მიკრობიომს, რაც გადამწყვეტია ტვინის ჯანმრთელობის ოპტიმიზაციისთვის. ნაწლავი და ტვინი ერთმანეთთან მჭიდრო კავშირშია. მაგალითად, ნაწლავი აწარმოებს მნიშვნელოვანი რაოდენობის სეროტონინს და დოფამინს ჩვენს სხეულში, რაც გავლენას ახდენს ჩვენს განწყობასა და ემოციებზე. ჯანსაღი ნაწლავის მიკრობიომი ასევე ამცირებს ანთებას.გარდა ამისა, კენკრა და თხილი შეიცავს ბევრ ვიტამინს, მინერალს და ანტიოქსიდანტს, რომელიც ხელს უწყობს მეხსიერებას და შემეცნებას.
თხილი არის ბოჭკოს კარგი წყარო და შეუძლია შეანელოს საჭმლის მონელება, გეხმარებათ დიდხანს იგრძნოთ სისრულე და შეანელოთ სისხლში შაქრის მატება. თხილის ჭამამ შეიძლება შეამციროს დიაბეტის რისკი, რაც ასოცირდება კოგნიტური დაქვეითების რისკთან“,- აღნიშნა ნევროლოგმა.
ცეკვა
ნევროლოგი ამბობს, რომ ცეკვა შესანიშნავი აერობული ვარჯიშია გულისა და ტვინისთვის, რომელიც მოითხოვს კოორდინაციას, რიტმს, სივრცის ცნობიერებას და კრეატიულობას.
„ქორეოგრაფიის სწავლა ასევე მოითხოვს გონებრივ აქტივობას და მეხსიერებას. ის ასტიმულირებს ტვინის სხვადასხვა ნაწილებს და აძლიერებს ნერვულ კავშირებს სხეულის სხვა ნაწილებთან. ერთ კვლევაში, რომელიც განიხილავდა სხვადასხვა შემეცნებით და ფიზიკურ აქტივობებს (ცურვას, ველოსიპედს და კიბეებზე ასვლას), ცეკვა იყო ფიზიკური აქტივობის ერთადერთი ტიპი, რომელიც დაკავშირებულია დემენციის დაბალ რისკთან.
ადამიანების უმეტესობა, როგორც წესი, თავს არიდებს ცეკვას, რადგან ფიქრობს, რომ არ აქვს რიტმის გრძნობა, მაგრამ თქვენ არ გჭირდებათ სცენაზე გასვლა. ნევროლოგი გვირჩევს იპოვოთ თქვენი რიტმი მარტო ან რამდენიმე ადამიანთან ერთად, ვისთანაც თავს კომფორტულად გრძნობთ.
უცხო ენის ცოდნა/შესწავლა
უცხო ენის სწავლა აუმჯობესებს თქვენს ყურადღებას და მუშა მეხსიერებას და შეუძლია შეცვალოს თქვენი ტვინის სტრუქტურები.
კვლევამ აჩვენა, რომ ორ ენაზე თავისუფლად საუბრის უნარი ასოცირდება უფრო მაღალ კოგნიტურ რეზერვთან, თქვა ნევროლოგმა.
“რაც უფრო ძლიერია თქვენი შემეცნებითი რეზერვი, მით ნაკლებია კოგნიტური დაქვეითება, როდესაც ტვინი უარესდება ან სტრუქტურულად იცვლება დროთა განმავლობაში. ეს შეიძლება იყოს ერთ-ერთი მიზეზი იმისა, რის გამოც ორენოვანი ადამიანები დემენციის ნიშნებს აჩვენებენ ოთხი-ხუთი წლის შემდეგ, ვიდრე ერთენოვანი”, – თქვა ნევროლოგმა.
წყარო: პრაიმ ტაიმი
