დეკემბერი ნამდვილად დღესასწაულის თვეა, როდესაც ყველა ჩვენგანი რაღაცის მოლოდინშია, იქნება ეს საახალწლო სუფრა, შვებულება, ფასდაკლებები საყვარელ პროდუქტზე თუ უბრალოდ საყვარელ ადამიანებთან დროის გატარება. მსოფლიოს უამრავი ქალაქში შეხვდებით საახალწლო განათებებსა და ნაძვის ხეებს, რაც ერთიან განწყობაზე საკმაოდ დადებითად მოქმედებს, თუმცა ეს რა თქმა უნდა, საკმარისი არ არის, იმისათვის, რომ ახალი წელი შედგეს, აუცილებელია ადამიანი საკუთარ თავშივე პოულობდეს განწყობას, რომლის მიღწევაც შესაძლებელი და საკმაოდ სახალისოც კი შეიძლება იყოს.
წინასაახალწლო პერიოდი უპირველესად მოლოდინებთან ასოცირდება, ყველას რაიმე ახლის მოლოდინი გვაქვს, ვაცილებთ ძველ წელს და უკეთესის იმედი გვაქვს, თუმცა მნიშვნელოვანია იმის გააზრება, რომ თუკი არაფერ ახალს არ მოვიმოქმედებთ და მხოლოდ მოლოდინებით დავკმაყოფილდებით, არაფერიც მოხდება. შესაბამისად, თუკი სიახლეების მოლოდინი გაქვთ შეგიძლიათ უკვე დაიწყოთ, გააკეთეთ ის რაც აქამდე არ გაგიკეთებიათ თუმცა მასზე გიფიქრიათ. სიახლეს ყველაზე მეტად სპონტანურობა უუხდება, ამიტომ შეგიძლიათ ყოველგვარი წინასწარი დაგეგმვის გარეშე რაიმე მარტივით დაიწყოთ და თუ ამას ეტაპობრივად გაიმეორებთ, ეს აუცილებლად აისახება არამხოლოდ თქვენს ხასიათზე, არამედ მთლიანად თქვენს ცხოვრებაზე. მაგალითისთვის აირჩიეთ რაიმე ისეთი ჰობი, რომელიც სიამოვნებას მოგანიჭებთ და არ შექმნის იმ მოლოდინს, რომ აუცილებელია მისი ყოველთვის გაკეთება, მთავარია უბრალოდ გსურდეთ. ახალ წლამდე მთელი თვეა და თუ ამას უკვე გააკეთებთ, ახალ წელს არამხოლოდ სიახლის მოლოდინი გექნებათ, არამედ მზაობაც, რომ რაც კი გსურთ, მისთვის აუცილებელი ნაბიჯები გადადგათ.
ახალი წელი და განსაკუთრებით მთელი დეკემბერი თავბრუდამხვევ ფასდაკლებებთან, საჩუქრებთან და ნივთების შეძენასთან ასოცირდება, რაც საკმაოდ სასიამოვნოა ნებისმიერი ადამიანისთვის. საჩუქრის გაკეთება ადამიანებს ძალიან სიამოვნებთ, არ აქვს მნიშვნელობა საჩუქარს გასცემთ თუ იღებთ, ამიტომ თუკი საახალწლო განწყობა ჯერ არ გაქვთ, შეეცადეთ ჩაერთოთ სოციალურ აქტივობებში როგორც მეგობრებთან, ისე თანამშრომლებთან და ოჯახის წევრებთან, მაგალითად კარგი იქნება თუ საიდუმლო სანტას ითამაშებთ. ხოლო, თუკი ნაკლები ინტერესი გაქვთ ამის მიმართ, შეგიძლიათ საკუთარ თავსვე გაუკეთოთ რაიმე საჩუქარი.
საახალწლო განწყობისთვის კარგი იქნება, თუკი ნაძვის ხეს უკვე მორთავთ და მოკაზმავთ, შეიძინეთ ახალი სათამაშოები, საახალწლო დეკორაციები,განათებები, გაახალისეთ თქვენი სივრცე და შედეგი აუცილებლად იქნება. ასევე, ახალი წელი საუკეთესო დროა მეგობრებთან ერთად რაიმეს დასაგეგმად, რადგან როგორც წესი, ადამიანების უმეტესობა ამ პერიოდში ისვენებს, შესაბამისად აჯობებს თადარიგი დაიჭიროთ, აირჩიოთ ადგილი და წახვიდეთ.
პანდემიის გამო შეიძლება კონკრეტული ტიპის შეზღუდვები იყოს, თუმცა არ მისცეთ კორონა ვირუსს განწყობის გაფუჭების მიზეზი. მართალია, ხალხმრავლობები კარგი ნამდვილად არ არის ვირუსისგან თვის დაცვის კუთხით, ამიტომ შეგიძლიათ მცირე წრეში მაინც აღნიშნოთ ახალი წელი. ასევე, თუკი აცრილი ხართ, შეგიძლიათ უფრო თამამიც იყოთ და შესაფერისი ახალი წელი მოიწყოთ. სხვადასხვა ქალაქების საახალწლო განათებაშეიძლება საკმარისი არ არის განწყობის შესაქმნელად, თუმცა თუკი მცირედი განწყობა უკვე გაქვთ, გარეთ სეირნობა ნამდვილად აამაღლებს მას.
