ბაღდათის მუნიპალიტეტის 2020 წლის ბიუჯეტი მილიონ 296 ათასი ლარით იზრდება. ამის შესახებ ბაღდათის მუნიციპალიტეტის მერმა არჩილ გოგსაძემ საზოგადოებას 2020 წლის ბიუჯეტის პროექტის წარდგენისას განუცხადა.
როგორც შეხვედრაზე აღინიშნა ბაღდათის მუნიპალიტეტის 2020 წლის ბიუჯეტი 7 მილიონ 572 ათასი ლარი იქნება, რაც როგორც არჩილ გოგსაძემ განაცხადა მიმდინარე წელს მილიონ 296.4 ათასი ლარით აღემატება.
2020 წლის ბაღდათის მუნიციპალიტეტების პრიორიტეტად მმართველობითი ხარჯები, ინფრასტრუქტურული პროექტები, დასუფთავება, განათლება, კულტურა, რელიგია, ახალგაზრდული საქმეები, სპორტი, მოსახლეობის ჯანმრთელობა და სოციალური უზრულნველყოფა დასახელდა. მომავალი წლის პრიორიტეტებს ახალი მიმართულება დაემატა. ეს არის სოფლის მეურნეობისა და ტურიზმის განვითარების ხელშეწყობა, რომელიც როგორც აღინიშნა დასაწყისისთვის 20 ათასი ლარით დაფინანსდება.
რაც შეეხება კონკრეტული სფეროების დაფინანსებას ეს მონაცემები ასე გამოყურება:
2020 წელს ბაღდათის მუნიციპალიტეტში საგზაო ინფრასტრუქტურისათვის 50 ათასი ლარი გამოიყოფა. წყლის სისტემების მოწესრიგებისათვის 18 ათასი ლარი დაიხარჯება, გარე განათებების სისტემის მოწყობას 150 ათასი ლარი ეთმობა, სოფლის მხარდამჭერი პროგრამისთვის მუნიციპალიტეტი 70 ათას ლარს გამოყოფს, მშენებლობა რეაბილიტაციისთვის ბაღდათში 100 ათას ლარს დახარჯავენ.
აღსანიშნავია რომ 2020 წლის ბიუჯეტის მიხედვით იზრდება განათლების დაფინანსება და მილიონ 240 ათას ლარს შეადგენს, ასევე იზრდება კულტურის, რელიგიის, ახალგაზრდობის ხელშეწყობისა და სპორტის მიმართულების დაფინანსება და მილიონ 200 ათას ლარს შეადგენს. განათლების, კულტურის და სპორტის სამახურის დაფინანსება 2019 წელთან შედარებით 25,0 ათასი ლარით იზრდება.
როგორც 2020 წლის ბიუჯეტს პროექტის პრეზენტაციისას აღინიშნა მოსახლეობის ჯანმრთელობის დაცვა და სოციალური უზრუნველყოფა 569 ათასი ლარით დაფინანსდება, რაც გასულ წელთან შედარებით 97 000 ლარით მეტია.
ბაღდათის მუნიციპალიტეტის 2020 წლის ბიუჯეტის პროექტის მიხედვით იზდება ააიპ დაფინანსება. მაშინ როცა 2019 წელს ბათი ბიუჯეტი 870 ალათს ლარს შეადგენდა 2020 წელს ისინი მილიონ 120 ათას ლარს მიიღებენ, მერის განცხადებით აღნიშნულ სექტორში გაიზრდება ხელფასები.
მოსახლეობასთან შეხვედრა ბაღდათის მუნიციპალიტეტის მოსწავლე-ახალგაზრდობის სახლში კითხვა-პასუხის რეჟიმში გაიმართა. როგორც არჩილ გოგსაძემ განაცხადა ბიუჯეტი ყოველ მომდევნო წელს საშუალოდ 5.1%-ით გაიზრდება.
