საინფორმაციო სააგენტო Topnews.com.ge-სთვის ცნობილი გახდა, რომ “ქართულ ოცნებაში” აქტიურად მიმდინარეობს მსჯელობა იმის თაობაზე, თუ რა ახალი ფუნქცია შეიძლება შეიძინოს ქუთაისის პარლამენტის 360-მილიონიანმა შენობამ.
Topnews.com.ge-სთან ინტერვიუში, ქუთაისის მაჟორიტარი დეპუტატი ზაზა ლომინაძე აცხადებს, რომ აღნიშნულში პარლამენტის თავმჯდომარე, კახა კუჭავა პირადად არის ჩართული.
“საკმაოდ რთული შენობაა იმისათვის, რომ რაღაც სხვა ფუნქცია მიენიჭოს მას, გარდა პარლამენტისა, მაგრამ ამაზე მსჯელობა აქტიურად მიმდინარეობს გუნდში, თუ როგორ შეიძლება პარლამენტის შენობას სხვა ფუნქცია მივცეთ. გეტყვით იმასაც, რომ პარლამენტის თავმჯდომარე პირადად არის ჩართული ამ საკითხში,”-განაცხადა ზაზა ლომინაძემ.
ქუთაისში არსებული პარლამენტის ყოფილი შენობა დაკონსერვებულია. “ქართულმა ოცნებამ” შენობაში ჯერ შინაგან საქმეთა სამინისტროს ჰაბის განთავსება დააანონსა, შემდეგ – ეკონომიკის სამინისტროს ბალანსზე გადაიყვანა. მაშინდელი პრემიერ-მინისტრის, გიორგი გახარიას დავალებით კი, შენობის გასხვისებაზე ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნულმა სააგენტომ მუშაობა 2020 წლის მარტიდან დაიწყო.
“ქართული ოცნების” გადაწყვეტილებით, საქართველოს საკანონმდებლო ორგანო ქუთაისიდან თბილისში 2019 წლის იანვრიდან დაბრუნდა
