რა არის თავბრუსხვევა?
თავბრუსხვევა გაბრუების, სისუსტის და არასტაბილურობის განცდაა, რომელსაც ახლავს გარემოს ბრუნვის შეგრძნებაც. ის ხშირად ზომიერი ან მსუბუქად გამოხატულია და თავისთავად გაივლის, მაგრამ არსებობს თავბრუსხვევის მძიმე ეპიზოდებიც, სხვა სიმპტომებთან ერთად, რომელიც თავისთავად არ გაივლის და სჭირდება მკურნალობა.
თავბრუსხვევის მიზეზები
სხეულის წონასწორობის შენარჩუნებაში ჩვენი სხეულის არაერთი ნაწილია ჩართული: თავის ტვინი, თვალები, შიგნითა ყური (წონასწორობის პრგანო), ნერვული დაბოლოებები ტერფის და ტორსის კუნთებში, ზურგის ტვინის ნეირონები და სხვა. როდესაც ამ როგლებიდან რომელიმე არ მუშაობს გამართულად – იწყება თავბრუსხვევის შეგრძნება.
თავბრუსხვევის ყველაზე ხშირი მიზეზებია:
- შიგნითა ყურის დაავადებები (ვერტიგო)
- შუა ყურის ინფექციები
- ანემიები – ერითროციტების, ან/და ჰემოგლობინის დაბალი კონცენტრაციით
- გულის დაავადებები
- თავის ტვინის ტრავმები
- ტვინის სხვა დაავადებები
- გაუწყლოება
- შფოთვა და სტრესი
- ინტოქსიკაცია
- ზოგიერთი მედიკამენტები
- გლუკოზის დაბალი შემცველობა სისხლში
- და სხვა
შიგნითა ყურის ინფექციები
შუა ყურის ინფექციისას განვითარებული ნევრიტი, ვერტიგოს ანუ თავბრუსხვევას იწვევს. შიდა ყურის ანთებისას შესაძლოა განვითარდეს ორი პათოლოგია: ვესტიბულური ნევრიტი (ვესტიბულური ნერვის ანთება) და ლაბირინთიტი (წონასწორობის ორგანოს ნახევარრკალოვანი არხების ანთება).
ვესტიბულური ნევრიტი აზიანებს ვესტიბულურ ნერვს, ხოლო ლაბირინთიტი – როგორც ვესტიბულურ ნერვს, ისე სმენის ნერვს.
ვერტიგოს სხვა მიზეზები
თავბრუსხვევის სხვა მიზეზებიდან აღსანიშნავია:
- აკუსტიკური ნევრინომა – სმენის ნერვის კეთილთვისებიანი სიმსივნე, რომელიც ზომაში ზრდასთან ერთად აკომპრესირებს როგორც სმენის, ისე ვესტიბულურ ნერვებს და იწვევს თავბრუსხვევას.
- მედიკამენტები, რომლებიც აზიანებს შიგნითა ყურს: ამინოგლიკოზიდური ანტიბიოტიკები, დიურეტიკები, სალიცილატები.
- თავის ტრავმა
- ინსულტი
- გაფანტული სკლეროზი
- ვესტიბულური შაკიკი
გულის დაავადებები და თავბრუხვევა
თავბრუსხვევის განვითარება ზოგჯერ გულის დაავადების სიმპტომია. ის ასევე შესაძლოა მიოკარდიუმის ინფარქტის ადრეული სიმპტომი იყოს. თუ გულის ფრიალის შეგრძნება და თავბრუსხვევა ერთდროულად ვითარდება, აუცილებელია მიმართოთ ექიმს. განაგრძე კითხვა
