წმინდა ვალენტინის დღე კარს მოგვადგა, შეიძლება თქვენთვის ჩვეულებრივი დღე იყოს 14 თებერვალი, მაგრამ თუ შეყვარებული ხართ, მაშინ დროა საყვარელი ადამიანისთვის საჩუქარზე იფიქროთ.ვალენტინობა- შეყვარებულების დღესასწაულია და საჩუქარი, რა თქმა უნდა, ამ დღეს განსაკუთრებული უნდა იყოს.საუკეთესო იქნება ნივთი, რომელიც შეიძლება ორივემ გაიყოთ. მაგალითად, კლასიკური კულონი 2 ნახევრის ფორმით, ერთი ნახევარი თქვენ შეგვხვდებათ, მეორე – თქვენს მეორე ნახევარს. ასეთი საჩუქარი განსაკუთრებით გოგონებს მოეწონებათ.
კარგი ვარიანტია, ასევე სუნამო, რომელიც თქვენს ქალურობას და მის მამაკაცურობას გაუსვამს ხაზს.თუ თქვენი რჩეული ორიგინალური საჩუქრით გინდათ გაახაროთ, მაშინ რამდენიმე რჩევას გთავაზობთ:
თაიგული – ნუ ფიქრობთ, რომ ბანალური საჩუქარია. შეგიძლიათ თაიგული შოკოლადებით ან სასნელებით შექმნათ, ეს თქვენს ფანტაზიაზეა დამოკიდებული
ყვავილები, ნებისმიერ გოგონას ნებისმიერ დღეს გაუხარდება, ვალენტინობას კი შეგიძლიათ შეყვარებულს გულის ფორმის თაიგული აჩუქოთ, არ დაგავიწყდეთ ბარათი ორიგინალური წარწერით.
სამკაული – საყურე, ბეჭედი ან ყელსაბამი. სამკაულები გოგონებს განსაკუთრებით უყვართ,თუმცა მათ ტარებაზე ბიჭებიც არ ამბობენ უარს, ამიტომ შეგიძლიათ სამკაულები ერთმანეთისთვის თამამად შეარჩიოთ
თეთრეული – ყველაზე სექსუალური საჩუქარი გამოგივათ, არა მხოლოდ ბიჭებს, ასევე გოგოებსაც
თუ თქვენი შეყვარებული, რომელიმე ბოლო მოდელის ტელეფონზე ან ფოტოაპარატზე ოცნებობს, ეს თქვენთვის იდეალური შანსია. მას ასეთი საჩუქარი ძალიან გაუხარდება.
მაისური პრინტით – ასეთი საჩუქარი როგორც ბიჭებს, ასევე გოგონებსაც შეგიძლიათ აჩუქოთ, თან საკმაოდ ორიგინალურიც გამოვა
სპორტული აქსესუარები – თუ თქვენი მეორე ნახევარი ჯანსაღი ცხოვრების წესს მისდევს, მაშინ ასეთი საჩუქარი მისთვის სასიამოვნო და საჭიროც იქნება.
ალკოჰოლური სასმელი – უნივერსალური და სასიამოვნო საჩუქარია მამაკაცისთვის. ერთი ბოთლი საუკეთესო ღვინო, კონიაკი ან ვისკი მას ძალიან გაახარებს და ორივეს შესანიშნავ შესაძლებლობას მოგცემთ ვალენტინობის საღამოს ერთად დააგემოვნოთ თქვენი საჩუქარი.
და თუ ამ დღეს აპირებთ საყვარელ ადამიანს ხელი სთხოვოთ, ყველა ფანტაზიას ერთად უნდა მოუხმოთ და ეს დღე ნამდვილ დღესასწაულად უნდა აქციოთ.
