ზეწოლა/მუქარა/ხელის შეშლა, ადმინისტრაციული რესურსის გამოყენება – ეს ის დარღვევებია, რომლების „სამართლიანი არჩევნებისა და დემოკრატიის საერთაშორისო საზოგადოებამ” ქუთაისში 2020 წლის საპრლამენტო არჩვენების წინა პერიოდში გამოავლინა. ორგანიზაციამ მონიტორინგის V შუალედური ანგარიში გამოაქვეყნა, რომელშიც ვკითხულობთ:
სავარაუდოდ, პოლიტიკური ნიშნით ზეწოლა/მუქარისა და ხელის
შეშლის შემთხვევები
„ევროპული საქართველოს” პრესსამსახურის ინფორმაციით, ქუთაისში, მაჟორიტარობის
კანდიდატის, ოთარ კახიძის ოფისს უცნობმა პირმა აგური ესროლა. მინის ჩამსხვრევა ვერ
შეძლო, თუმცა ბანერი დააზიანა. კახიძის თქმით, სათვალთვალო კამერების ჩანაწერებში
კარგად ჩანს აღნიშნული ფაქტი.შსს-ს ინფორმაციით, გამოძიება დაიწყო საქართველოს სსკ-ის 187-ე მუხლის 1-ლი ნაწილით,
რაც სხვისი ნივთის დაზიანებას ან განადგურებას გულისხმობს. ქუთაისის საქალაქო
სასამართლომ მ.გ.-ს მიერ ჩადენილ ფაქტს ადმინისტრაციულ სამართალდარღვევათა
კოდექსის 166-ე მუხლით გათვალისწინებული ქმედების კვალიფიკაცია მისცა, რაც წვრილმან
ხულიგნობას გულისხმობს და სიტყვიერი შენიშვნა მისცა.
ადმინისტრაციული რესურსის გამოყენება
10 ოქტომბერს, ქუთაისში ლადო მესხიშვილის სახელობის სახელმწიფო თეატრის 160-ე წლის
იუბილე გაიმართა, რომელსაც „ლელოს“ ადგილობრივი წარმომადგენლების მიერ
გავრცელებული ინფორმაციით, ესწრებოდა „ქართული ოცნების“ ქუთაისის მაჟორიტარი
დეპუტატობის კანდიდატი „ქართული ოცნებიდან“, ზაზა ლომინაძე. ამასთან, თავად
„ლელოს“ წარმომადგენელს თეატრის ადმინისტრაციამ დასწრებაზე უარი უთხრა იმ
მოტივით, რომ „ოფიციოზი“ მათ შორის პრეზიდენტი იქნებოდა ღონისძიებაზე და ამიტომ
გარეშე პირებს ვერ შეუშვებდნენ შენობაში.
თეატრის ადმინისტრაციამ „სამართლიანი არჩევნების“ დამკვირვებელს დაუდასტურა, რომ
ზაზა ლომინაძე ესწრებოდა ღონისძიებას, ასევე არ უარყვეს მისი სიტყვით გამოსვლის ფაქტიც,
თუმცა აღნიშნეს, რომ გამოსვლის ტექსტში პოლიტიკა არ ყოფილა და მხოლოდ თეატრისადმი
მილოცვით შემოიფარგლებოდა.
„სამართლიანი არჩევნებისა და დემოკრატიის საერთაშორისო საზოგადოება” საქართველოს პარლამენტის 2020 წლის 31 ოქტომბრის არჩევნების წინასაარჩევნო პერიოდის მონიტორინგს 1 ივნისიდან ახორციელებს. მონიტორინგი ხორციელდება შეერთებული შტატების საერთაშორისო განვითარების სააგენტოსა (USAID) და ევროკავშირის მხარდაჭერით. წინასაარჩევნო პერიოდის მონიტორინგის მეხუთე შუალედური ანგარიში მოიცავს 2020 წლის 29 სექტემბრიდან 21 ოქტომბრის ჩათვლით პერიოდს, აგრეთვე ცალკეულ ისეთ მოვლენას, რომლის განვითარება 29 სექტემბრამდე დაიწყო და მონიტორინგის პერიოდშიც მიმდინარეობდა ან მის შესახებ მონიტორინგის პერიოდში გახდა ცნობილი.