ინკუბაციის პერიოდი არის დრო, რომელიც საჭიროა ორგანიზმში ვირუსის შეჭრიდან პირველი სიმპტომების გამოჩენამდე.
იკუბაციის პერიოდი შეიძლება კრიტიკულად მნიშვნელოვანი იყოს პრევენციისა და კონტროლისთვის. იგი იძლევა იმ ხალხის კარანტინისა და დაკვირვების საშუალებას, რომლებიც შეიძლება, ვირუსით იყვნენ ინფიცირებული.
აშშ-ის დაავადებათა კონტროლისა და პრევენციის ცენტრის მონაცემებით, ახალი კორონავირუსის საინკუბაციო პერიოდი ორიდან 14-დღემდეა, უმეტეს შემთხვევებში კი სიმპტომები ინფიცირებიდან ხუთ დღეში ვლინდება.
ინკუბაციის პერიოდში, სიმპტომების გამოვლენამდე, ადამიანები შეიძლება გარშემო ავრცელებდნენ ვირუსის შემცველ ნაწილაკებს, რაც თითქმის შეუძლებელს ხდის ვირუსის მქონე ადამიანთა იდენტიფიცირებას და იზოლირებას.
ამიტომაც განსაკუთრებულ მნიშვნელობას იძრნს სოციალური დისტანცირება და თვითიზოლაცია.
