“პირველ რიგში, ეს არის პოლიტიკური კონსენსუსის დაზღვევა, რადგან საქართველოში ძალიან გვიჭირს პოლიტიკური კონსენსუსის მიღწევა, მათ შორის, ახლაც კი გვიჭირს ოპოზიციაში, ამიტომ ვფიქრობ, ეს არის გადაზღვევა, მნიშვნელოვანი ალტერნატივა, იდეის შეთავაზება მოქალაქეებისთვის თუ რა უნდა მოხდეს არჩევნების შემდეგ, ასევე, ნებისმიერი ადამიანის შეშფოთებები დავაზღვიოთ. ამიტომ რეფორმის მნიშვნელობა არ უნდა გავიგოთ, როგორც ძალაუფლებისთვის ბრძოლა. მნიშვნელოვანია, რომ პარტიები ძალაუფლებისთვის კი არ იბრძვიან, არამედ ევროკავშირის იდეისთვის.
შესაძლებელია, კითხვები არსებობდეს ქარტიის ორივე ნაწილთან დაკავშირებით, მაგრამ ჩემთვის ორივე ნაწილი მისაღებია. ჩვენ ყველამ უნდა ვიმუშაოთ იმისათვის, რომ საქართველოში მნიშვნელოვანი რეფორმები გატარდეს”, – განაცხადა დეკანოიძემ.
კითხვაზე, მოსალოდნელია თუ არა ეტაპობრივად მოხდეს „ქართულ ქარტიაში“ ცვლილებების განხორციელება, დეკანოიძე პასუხობს, რომ ის რეფორმების მიმართულებით არანაირ ცვლილებას არ ისურვებდა, განსაკუთრებით, კანონის უზენაესობასთან დაკავშირებით.
“არაფერი დასამალი არ არის იმაში, რომ პრეზიდენტთან იყო კონსულტაციები. სალომე ზურაბიშვილი ძალიან ბევრს ფიქრობდა თუ როგორ შეიძლება იყოს რეფორმების გზა, ევროკავშირში მოლაპარაკებების გახსნაზე, გარდა ამისა, მნიშვნელოვანია გვესმოდეს, რომ პოლიტიკური კონსენსუსი დაზღვევა არის ძალიან მნიშვნელოვანი. რეფორმების მიმართულებით არანაირ ცვლილებას არ ვისურვებდი, განსაკუთრებით, კანონის უზენაესობასთან დაკავშირებით”, – განაცხადა დეკანოიძემ.
